البكا ماينشرح خاطر ولاينزاح ويل.                                         خل الكدر يطفي سعير الليلتين اللي خلت                                   دام العيون الليا أهملت تشفي القليل من الغليل.                        الله يبارك بالعيون اللي ليا ضقت أهملت                                    دمعة قهر تثبت لي ان اللي يحبوني قليل.                                   ولا ضحكه بوجيه ناس لي تضايقت انكلت.                                 البارحه يوم الهموم تحط بالصدر وتشيل.                                   والشاهد الله ما حبست بمحجري دمع وفلت                                 الدمعه اللي ماتهز صدور  ربعي لا تسيل                                 اكنها مثل الجمر ولايقولون انزلت                                            اللي وهو مافزلي كنه محملني جميل                                         أجيه برجولي عشان اشكي له الحال ؟ اكملت                           ما كل من شافك قوي يفرح ليا جيته ذليل                                   الناس لي من حست بضعف الشجاع استذلت                          بعيونهم ببقى مثل ما للهبوب من النخيل                                 على كثر ماضامها صفق اللواهيب اعتلت.                               وشلون احس ان العذاب اللي على متني ثقيل                           وانا ادري ان اللي تصبرني على الحزن  وصلت                     معشوقتي لا ضاق صدري من ليالي الحزن ليل                       ياكثر ماشربت معي من علقم الحزن وكلت.                                   معشوقتي ماللفرح برجوعها يمي سبيل                                    الا مثل ما للربيع من الزهور ليا أذبلت                                       معشوقتي  من عمر جيل ومدرسة مليون جيل                       معشوقتي ورث السنين اللي تجلت وانجلت                                اللي على كثر المصايب كل مافيها جميل