nu friti la .aizyk.

la .aizyk. je la mamta ku po'o ~ cu xabju lo cmalu zdani noi cpana lo cmama'a

.i la .aizyk. cu kansa noda lonu pixra finti je cu kelci ~ ca lonu la mamta cu zgana tu'a lo xriso se tivni

.i ze'u sampu je gleki jmive fa lo remei .i bi'u ~ fanmo fa lonu la mamta cu ganse lo voksa poi sance lo tsani

.i lu { lo do bersa cu bilma fi lo ka palci .i .e'usai by. pa'edju nitcu } li'u se cusku

.i lu { .aicai mi pa'edju doi la cevni } li'u se cusku la mamta ~ zi lonu vimcu ro palci co'e ~ lo sipku'a pe la .aizyk.

.i za'u re'u tavla fa lo voksa .i cusku lu { .i lo pruxi be la .aizyk. ~ cu za'o bilma .i nitcu loka sepli ro palci pe lo munje ~ je cu xusra tu'a lo zekri } li'u

.i lu { vi'osai doi la cevni .i mi krilacri do } li'u se cusku ~ zi lonu gasnu lonu la .aizyk. cu stela pinfu fi lo sipku'a ~ je cu darno lo munje palci

.i ro re'u ~ la mamta cu ganse lo voksa be la cevni .i cusku lu { vi'odai ku'i ~ mi za'o senpi lodu'u do fi mi ~ mulno sezdu'a .i sei cipra se'u ~ mi cpedu su'o da } li'u

.i lu { .e'o vi'ocai doi la cevni } li'u pikci se cusku .i la cevni zo'u: { sei cipra ~ loka prami je sezdu'a se'u ~ mi cpedu tu'a lo se friti .i co'e ~ fa lo do bersa ~ no'u la .aizyk.

.i ko nerkla lo sipku'a ~ je cu catra ~ sei friti fi mi ~ tezu'e lonu jarco lodu'u ba'e mi traji loka do prami ce'u } li'u se cusku

.i spuda fi lu { vi'osai doi la cevni } li'u ~ zi lonu cpacu lo rectu dakfu lo jupku'a .i la .aizyk. ~ noi viska fi lo fenra pe lo vrogai ~ cu desku desku co terpa

.i zi lonu fenki fenki sisku tu'a lo mipstu cu ganse lo lolvrogai ~ be fo lo lolni'a be'o ~ noi se mipri fo lo lolbu'u

.i secau lonu denpa ~ cu kargau lo lolvrogai ~ zi lonu la mamta cu sutra nerkla kei ~ je cu sfubu lo .iicai cnita condi