Impyernong Langit

Sa isang maliwanag na daan ay nakita ko ang hagdanan. "Saan ito papunta?," tanong ko sa sarili. "Sa langit," sagot ng isang tinig. Bigla kong naalala kung paano ako namatay, namatay ako dahil sa pagsagip ng bata sa rumaragasang truck.

Tanggap ko na, patay na ako.

Umakyat na ako sa langit at pinapasok ni San Pedro, pag akyat ko sa langit ay nakita ko ang mga tao sa lupa, nagalak ako.  ‘Di kalaunan ay nagising na ako sa katotohanan, bila akong nadismaya kaya ako’y nagpasya.

Kinausap ko si San Pedro, "Gusto ko nalang pumunta sa Impyerno.” "Ha?Bakit? Di ka bagay doon, mabuti kang tao. ‘Di ka ba natutuwa’t sapagkat nandito paraiso ng Dios?" Tugon ni San Pedro. At ang sagot ko lamang ay "Aanhin ko ang pagtuloy ko sa paraiso ng Dios kung ang makikita ko ang mga kapwa ko na nagkakagulo, puro away, patayan, krimen at walang kapayapaan? Ito ba ang paraiso? Paraiso ito ng mga taong nagiisip ng pansarili lamang"