Advertisement
Not a member of Pastebin yet?
Sign Up,
it unlocks many cool features!
- اهلا وسهلا بيكم في حلقة جديدة من برنامجكم عصرفوبيا.
- اغلبنا بيحب الحاجات القديمة صح؟
- مثلا الامهات كلهم بيحبوا يضربوا ابنائهم بالجزمة القديمة.
- ومحمد محمود الي كاتب الاسكربت بيحب الجبنة القديمة.
- نصيحة ليك كفاية عشان حب الشباب.
- المهم دي ظاهرة عالمية
- ان الشخص يحتفظ بحاجات من مدة معينة ويفتكر بيها تاريخ معين
- مثلا ورقة النتيجة بتاعت ولادة اول طفل ورقة نتيجة يوم الجواز الحاجات اللطيفة دي.
- لكن الموضوع اكبر من كدا زي اننا نحتفظ بحجارة من الاف السنين
- او نحتفظ ببرج او حاجة مبتسكنش اصلا.
- بس ايه الي يخلينا نعمل كدا؟
- عندك مثلا حاجة زي برج ايفل
- عامل النهارده حوالي كده بالصلاة ع النبي
- 544 مليار دولار ودي اغلي اثر في اوروبا.
- انا اعرف واحد لو يعرف كدا كان باعه.
- يلا ما علينا.
- ازاي اصلا بنعرف عمر الحاجة الاثرية دي
- في طريقة اسمها DENDROCHRONOLOGY
- ودي تعتبر اقدم الطرق لان الطريقة دي تم تقديمها من قرن مضي.
- ودي بتتعمل علي الاشجار والاخشاب اكتشفها العالم
- A. E. Douglass
- حط صورته الي في الفولدر
- كان الراجل ده بيحاول انه يعرف عمر الخشبة من الحلقات المرسومة عليها الي بتظهر اما تقطع الشجرة.
- وكان بياخد الخشب في مختبره ويختبره...(في مختبره ويختبره صداع من كتر المنطقية) ويدرس الخشبة من حيث العوامل المناخية والطبيعية الي اثرت علي الحلقات بتاعتها.
- وفي طريقة تانية اسمها التأريخ بالكربون المشع او الكربون 14
- او بالانجليزي
- Carbon 14 dating
- حط صورة الكربون 14 الي في الفولدر
- الكربون 14 ده بيتجدد في الطبيعة بسبب حاجة اسمها الاشعة الكونية ودي اشعة كدا بتضرب الغلاف الجوي.
- وبتتحد ذرات الكربون 14 دي مع الأكسجين في الهواء لتشكيل ثاني أكسيد الكربون (C)
- بالتالي زي ما كلنا خدنا في ابتدائي النبات بيتنفس ثاني اكسيد الكربون ده فبيشفط معاه الكربون 14
- وبما ان في حاجات كتير معمولة من نباتات فمثلا سيادتك معمول من نباتات.
- ايوه انت معمول من نباتات يابني متكابرش.
- انا عن نفسي معمول من نباتات والحياة حلوة وقلبي قلب خساية.
- هتقولي علي فكرة بقي انا شخص بعشق اللحوم وعندي نقرص ومباكلش نباتات.
- طب ما يبوعمو الحيوانات الي بتاكل لحومها دي بتتغذي ع النباتات اكيد مبتاكلش بتتس محمرة يعني تصدق حتي البتتس المحمرة نباتات.
- يعني ممكن احدد البطاطساية(اي بطاطس محمرة او بطاطساية زي ما هي) دي عمرها قد ايه بالكربون 14؟
- الطريقة التالتة والي هي THERMOLUMINCENCE DATING
- ودي طريقة لقياس التعرض للإشعاع
- استخدموها اول مرة في الخمسينات لقياس عمر الفخار والحُرَق المحترقة من المواقع الأثرية.
- الخلاصة هي طريقة لتأريخ المواد الطينية.
- نرجع لمرجوعنا.
- ليه بنحب نجمع الانتيكات والحاجات دي وبندي الاثار دي قيمة وبنرممها.
- هل الموضوع مجرد تفاهة؟
- ده ثلث الناس في المملكة المتحدة الي هي بريطانيا يا مؤمن
- عندهم هاجس الاحتفاظ بالاشياء حتي لو كانت حاجات تافهة زي تذكرة ماتش كورة وطوابع البريد.
- ومن احد التحليلات النفسية للموضوع ده ان الاطفال الي محدش بيحبهم بيحسوا براحة في تجميع الحاجات دي وبيشوفوا انها هتبقي حاجة روشة يعني لما حد يشوفهم مجمعين الحاجات دي وانها هتجذب الناس ليهم ويبقوا اصدقاء.
- وفي ظاهرة كمان اسمها endowment effect
- ودي بتفسر ميلنا لقيمة الاشياء اكثر اما بنمتلكها وكمان مفهوم العدوى الي هو شايفين ان بعض الناس الي بتجمع الاشياء فاهمين ان لو مثلا شراب ليوناردوا دي كابيرو هيبقي الشراب ده انغرس مع جوهر ليوناردوا دي كابيرو نفس حوار البركة بتاعت سيدي العريان بالظبط.
- هنا هتحط الفيديو الي في الفولدر
- هل البني ادمين اتودلوا عندهم حب التجميع للحاجات التافهة دي؟
- الاجابة هي......لا
- لان رغبة التجميع عند البشر دي اتكونت من حوالي 12000 سنة بس بمجرد أن تخلى اجدادنا عن نمط حياتهم الي هو الترحل واستقروا في مكان واحد.
- البشر بقي ابتدوا يجمعوا يحتفظوا بالحاجات التافهة دي اول ما استقروا.
- الصراحة انا نفسي يجروا تاني في البرية عشان منشوفش الي بنشوفه ده
- ده في واحد يا مؤمن اسمه David Andreani عنده 39 سنة ساكن في بيصارة في ايطاليا
- استني كدا
- اه في Pesaro في ايطاليا والراجل ده بيجمع علب الكانز بتاعت كوكاكولا من وهو عنده 15 سنة وعنده تقريبا علب من كل بلد عدا كوبا وكوريا الشمالية طبعا لانها مبتتباعش في البلدين دول ممنوعة هناك.
- حط صورة التجميعة بتاعت الكوكاكولا بتاعته الي في الفولدر
- وهسيبلكم مصدر في الكومنتات فيه 43 حاجة غريبة الناس بتجمعها واتفرج يا نجم ع العجب.
- اخر حاجة عاوز اقولها الاثار والمعالم الاثرية شئ جميل ومهم ولكن في اثار او اشياء قديمة احنا بنهتم بيها زيادة عن اللزوم وبنحتفظ بيها عشان ولا حاجة وهي ملهاش نفع للبشرية.
- الحاجة الي تخلينا نهتم باحجار من الاف السنين ونصرف عليها ملايين ليه متخليناش نشوف الناس محتاجة ايه ونساعدهم ونساعد في نهضة العالم افضل ما نفضل عايشين في الماضي.
- مقصدش ان ميبقاش في معالم اثرية تورينا الماضي كان عامل ازاي ولكن منقدسهاش زيادة عن اللزوم ولا نهملها زيادة عن اللزوم ونخلي السياح تعمل حاجات غريبة فوقيها.
- شكرا واشوفكم ان شاء الله في حلقة جديدة من عصرفوبيا
Advertisement
Add Comment
Please, Sign In to add comment
Advertisement
