Q&A

Ｑ：我見人地玩得好快？
Ａ：隻game精綷係由零開始慢慢認識你啲島民(記得留意島民同NPC啲對話)，發展同裝飾你座島，睇住座島點樣進化。最緊要啱自己play style，預左你玩幾年架啦:D

Q：狐利(賣藝術品)同然然(賣種子)係咪隨機出現？
A：係。

Q：狐利係咪一定會有至少一幅真跡？
A：唔係，可以全部假。

Q：假藝術品有咩用？
A：裝飾，　唔捐得。

Q：點拎動物海報？
A：去巴獵島同動物影相之後可以去ATM購物訂購。

Q：點拎動物相？
A：好感度夠高會送俾你。

Q：點開服裝店？
A：絹兒隨機出現起廣場，遇見佢３次就會來開服裝店

Q：服裝店有隻刺猬唔肯同我講野？
A：日日撩佢終有一日會回心轉意

Q：點叫啲島民著自己設計嘅衫？
A：服裝店最頂有排衫可以掛原創設計，　注意要係原創先掛得。

Q：點上載／下載啲設計？
A：服裝店右上有部機，要有Nintendo Switch Online會員。

Q：咁多巴絲分享作曲/畫畫QR Code係有咩用架？
A：遊戲起左office之後可以揀一段仔自製音樂做小島鈴聲。而QR Code 經iOS/Android Nintendo Switch Online app scan返來嘅Pattern可以著落衫度，又可以鋪落地度，亦可以用作家俱設計等

Ｑ：點為之「摸」？
Ａ：去人個島擺人地啲道具入袋之後物品圖鑑會有record，之後去返自己村部ATM可以訂嗰件貨。「摸」即係擺入袋之後再還返俾人

Q：摸呀妹？
A：同館長個妹（貓頭鷹妹妹）(夜晚隨機出現)傾計有星星DIY，可以去人個島拎，但一日只可以拎一次(即係同一日再去其他島摸唔同呀妹都唔會再有DIY拎)。

Q：貓頭鷹妹妹來左喺咪一定有流星？
A：唔一定。

Ｑ：見到流星可以點？
Ａ：先用右菇轉視角見到個天，之後空手㩒A，第二日沙灘會有星星碎片執，好似上限２０粒一日。

Q：樹苗要隔幾遠種？
A：周圍八格最好無野。　想砌密樹林可以等佢地生大之後再食生果搬。

Ｑ：點炒蘿蔔(大頭菜)？
Ａ：星期日早上入股，平日每日留意價格，啱心水價格時賣去，去朋友島賣都得，下星期日前要賣，唔係會變爛菜。

Ｑ：幾時先有得 買大頭菜(蘿蔔)，用ATM買摸過嘅野？
Ａ：起商店後

Q：商店點升級？
A：１）開店後三十日　２）買賣多過廿萬鈴錢

Q：係咪可以去人個鳥買駱駝啲牆紙，地板，地毯？
A：係，同一隻駱駝賣嘅野係一樣，但係用飛換嘅就唔同。同一日可以飛去唔同人個島買唔同商品。

Q：駱駝賣啲野有冇得摸
A：地毯可以，牆紙唔得。

Ｑ：ATM有啲係非賣品？
Ａ：合成物品摸完都買唔到

Q：斜坡同橋有無建設上限？
A：各８個。

Ｑ：點樣加速對話？
Ａ：按B/長按R

Q：鐵斧頭同石斧頭有咩分別？
A：鐵會劈斷棵樹，石唔會

Q：整爆左啲石會唔會生返？
A：第二日隨機位置生

Q：有時睇人啲相同一隻動物但係間屋唔同樣嘅？
A：第1至5隻動物fix死左係hea屋，第6個開始先係特別設計

Ｑ：去外島請左啲新動物過我個島要幾時先會搬過來／幾時先有新島民？　（第３至５個島民）
Ａ：keep住玩落去，有一日去揾狸克會叫你幫新島民起屋，做好要求就會有新人搬過來。

Q：露營地第一隻動物（第６個島民）係咪要硬食？
A：係

Q：第７至１０隻動物點黎？
A：揾狸克賣地，之後自己去揾動物搬來，如果無揾就狸克隨機塞俾你，唔想受驚就得閒揾動物先賣地（要賣地同一日揾）

Ｑ：點俾禮物動物島友？
Ａ：間唔中對話會有得俾你揀，而機場心意卡都可以連禮物寄俾動物，佢地有機會回信

Ｑ：點做遊戲內好友？
Ａ：首先去機場揀同好友連機，會多左個好友app，之後去加左Switch好友嘅島玩一次就可以加

Ｑ：點寄家俱，衫俾其他玩家？
Ａ：加左遊戲內好友起狸貓ATM網購可以直寄俾好友

Q：特殊ＮＰＣ幾耐黎一次
A：通常隨機。有啲例外（如：KK就每週一次）

Q：可唔可以去人地個島揾魚佬／蟲佬賣野？
A：唔得，佢地只服務當地島民

Ｑ：點同人online連線？
Ａ：請人來嗰位要去機場（遊戲第二日後解放）開放你個島，同時會俾個代碼你。去人個島嗰位去機楊入代碼就得。如果加左Switch主機好友可以唔駛代碼咁開放俾好友入。要有Nintendo Switch Online會員

Q：離開人個島嗰陣經機場走定用減號掣走好？
A：聽島主指示（佢可能會講定大家賣完佢直接用減號關定乜乜乜），如果無講就去機場走，因為用減號有時會bug無save。

Ｑ：去人地個島時個過場動畫有無得skip？
Ａ：無

Q：無人島個地型係隨機定固定？
A：一開始會隨機gen四個俾你揀，開office後夠三星評價會有事件解鎖整理地型功能

Q：一個島可以有幾多個動物村民？
A：十

Ｑ：合成好慢？
Ａ：兩下A可加速合成

Ｑ：生果點種？
Ａ：掘個窿，再掉個生果落去，等幾日就有收成

Ｑ：地下有啲金色嘅光？
Ａ：掘開佢會有錢，掉袋錢落去會種到錢樹

Ｑ：掘完窿種唔到生果同樹／發光窿唔俾我種錢袋？
Ａ：要揸住個鏟先得

Ｑ：幾點轉第二日？
Ａ：早上五點

Ｑ：點樣跑同靜靜雞行(唔想嚇親昆蟲)？
Ａ：跑 > B，靜靜雞行 > 細力推磨菇，捉昆蟲時持網可以長按A預備

Ｑ：鋪左啲畫落地下點del走佢？
Ａ：Y

Ｑ：點掛自製畫去牆／著畫...?
Ａ：去設計app度揀幅畫

Ｑ：唔夠樹枝
Ａ：搖樹，同一棵樹可以多搖幾次

Q：點拎多啲礦石？
A：同一粒限時內用鏟／斧可以掘8次，咁樣掘定窿可以防止個人移位掘８次粒石。
地窿地地
窿人地地
地地石地
地地地地
---or--
窿窿窿
地人地
地石地
地地地

Ｑ：石頭/礦石無晒點算？
Ａ：用鏟／斧頭鋤石頭，下面有張圖係秘技

Ｑ：點樣成棵樹移植去其他地方？
Ａ：食完生果可以成棵樹掘起，再去第度掘個窿種

Ｑ：點解石頭一劈就爆？
Ａ：食左生果特效係會劈爆石頭

Ｑ：點一機多人玩？
Ａ：Switch要先開多個profile先，再用嗰啲profile入game做教學。之後隨時用遊戲電話app「召集村民」

Ｑ：有啲氣球飄下飄下點射落來？
Ａ：丫叉

Ｑ：點樣擴大個背包？
Ａ：用哩數可去狸貓ATM換「口袋整理技巧」

Ｑ：點拎丫叉/鏟/杆/梯...？
Ａ：多啲捐野俾狸貓/貓頭鷹，多啲同NPC傾計，睇下細狸有無賣

Ｑ：點去「外島」／「下西洋」？
Ａ：去狸貓ATM買機票之後去機場

Ｑ：「外島」有咩特別？
Ａ：有機會有稀有花 蟲 魚 礦石，有巴絲話毎個外島都有一個蜂巢同一件家俱(可能要搖多幾次樹)，間中會有漂流瓶

Ｑ：一開始點拎多啲鐵礦石／其他素材？
Ａ：外島

Ｑ：點釣魚？
Ａ：瞄準魚頭，咬實左魚竿先拉佢上來

Ｑ：有無私人儲物空間？
Ａ：有樓住之後就有

Ｑ：點叫醒海邊隻海鷗？點揾佢要嘅野？
Ａ：同佢講多幾次野；留意沙地有野識噴水，掘開佢

Ｑ：無位擺野！
Ａ：擺住出面先

Ｑ：啲屋/設施可唔可以調位？
Ａ：有office後可以