Twitter++

مالت بي الدنيا مثل ما تشوفين
واهتزت ارجاي وتهاوت صروحي
لولا الوطن غالي وانا بين غالين
اعلنت عن شبه الجزيره نزوحي
رحيل للمجهول مدري على وين
احساسي الغامض نهايه وضوحي
عاشق وقلبي طير واشقر جناحين
على الطلب مثل العزوم اللحوحي
مير الطلب غالي وانا بين ثنتين
حشمه يديني والزمان الشحوحي
لا يا وجودي يا وجود المحبين
لا هدّمت صرح الطموح الطموحي
امزح نهار امزح وانا خاطري شين
حزين ما تجبر عزاي المزوحي
ما ضاع من عمري ثلاث اربع سنين ؟
لا والله اكثر من بدايه طموحي
ناديت ثم ناديت باسم الغلا لين
لامست من روس الجبال السفوحي .
يا ام العيون الهاديه لو تحسين
باحساسي اللي فوق صمتي وبوحي
ان كان طول الوقت وانتي تنوحين
يسكت حمام الورق ولا ينوحي .
الحين حالي غير حالي هاك الحين
نهايه الفلم الحقيقي تلوحي
اما انقذي روحي قبل لا تروحين