Untitled

رد: معشوقي كلي معاك معاك حتى للهلاك / كاملة والكامل الله
حاتم بعد ماقفل إستوعب إنو خالته دخلت وطلعت لهم فوق .. يعني إنكشفوا .. طلع للدرج ع طووول ..
طلعوا جوهرهـ وبدور من جناح وسن إلا هذا حاتم بوجههم وواضح عليه بيلحق شيء ..
بدور : إسم الله عليك شـ فيك ؟
حاتم واهو يرقع ويبوس خالته : سلامتك .. بس مشتاق لك ولما قفلت طلعت لك ع طوول عشان اسلم عليك ..
بدور : ياقلبي إنت .. لكن أـنا زعلانه عليك ..
حاتم وأمه وخالته يجلسون بـ الصاله إللي فوق : أـفأ .. ليش الزعل ..
بدور : خالتك ولا تزورها ولا تسأل عنها حتى بـ إتصال ..
حاتم : ياخاله والله مشغول .. تعرفين حوسة الشركه ع العيد ع الزواج .. وربي مشاغل ما احد يتخيلها ..
بدور : إيوا تعذر واخر شيء غصب اصدقك ..
حاتم واهو يتبسم : أمريني شنو إللي يرضيك وأـنا أسويه ..
بدور : توعدني بـ زيارهـ .. ومو أي زيارهـ إلا ياغدأ عندي ياعشاء ..
حاتم واهو يفكر شوي وقال : ماطلبتي شيء ..
بدور إللي مستانسه تموت فـ حاتم قالت : والله لو عندي بنت غير ميس كان زوجتها لك ..
حاتم واهو يوقف ويبوس راس خالته وأمه لإنه بيطلع : الله يطول لي بعمرك .. توصوني بـ شيء ..؟؟
أمه وإهي شايله عليه شوي عشانه ماخبرهم قالت من غير عوايدها : سلامتك ..
حاتم : الغاليه زعلانه .؟
جوهرهـ : ومنو قال ؟؟
حاتم : قلبي ..
جوهرهـ : روح بس لـ شغلك ..
بدور : من إيش تزعل ..؟؟
حاتم : هههههههههههههههههههههههههههههههههه .. طالبه مني شغله وصار شيء خرب الطلب ..
بدور : ههههههههههههههههههههههههههه
حاتم يبوس راس أمه وإيدها وقال : يُمه وربي غصب ..
جوهرهـ وإهي تتبسم : مافيني شيء والله ..
حاتم : صدقت ... من جد إبتلشت فيكم يابنات عبدالعزيز .. هذا كبركم وكل وحدهـ تتدلع علي ..
جوهرهـ وبدور يناظرون بعض وكل وحدهـ فاتحه عيونها ع الأخر من كلامه ..
حاتم يشوف شكللهم : هههههههههههههههههههههههههههههههههه
بدور : قوم فارق بس ..
حاتم واهو يوقف : هههههههههههههههههههههههههههههههههههههه .. باي دلوعاتي ..
ومشى عنهم ..
جوهرهـ وببدور يضحكون عليه قالت جوهرهـ : وين مشعل وميس ومشاري ؟؟
بدور وإهي ترجع لورا : مشعل يذاكر ومشاري وميس مع أبوهم ..
جوهرهـ : وكيف مشاعل ما أتصلت فيك ؟؟
بدور : بعد أول يوم وصلوا في ما اتصلت ..
جوهرهـ : ههههههههههههه .. ياحليهم .. خليهم يستانسون .. ربي يوفقهم ..
بدور: آمين .. تصدقين ..!
جوهرهـ : شنو ؟؟
بدور: صعب علي أتحمل غيابها طول هـ الفترهـ ..
جوهرهـ والهم بـ قلبها من قبل لكن من تكلمت إختها وضح عليها قالت : هذي سنة الحياة وإحمدي ربك بنتك بجنبك .. مو أـنا بنتي راح تطلع من المنطقه كلها .. لمكان مالها فيه غير زوجها .. وماندري شنو ربي كاتب لها مع هـ الزوج .. { كملت بـ حسرهـ } لا اهله متقبلينها وإنتي حاظرهـ كل شيء ..
بدور إللي من جد لما سمعت كلام جوهرهـ شافت إن بُعد مشاعل عنها ولا شيء مع بُعد وسن عنهم كلهم .. ومنو المتضرر من هذا كله غير أمها وابوها وأخوانها إللي متعودين عليها ع طوول قالت : ربك كريم ..

مر أول أسبوع من الإمتحانات بـ سلام .. واليوم خميس .. يكون يوم ملكت خلود ع حمد غصب عنها وغصب عنه عشان خالته وبسسسسسس .. لا أكثر ولا أقل .. كانت الملكه عائليه .. خلود نفسها ماتبي تكون كبيرهـ .. لإنها كارهه الكل مو حمد وبس .. حمد طبعاً ماصدق خبر عشان تكون عائليه وقال فـ خطرهـ 'قلعتها .. حسبالها ميت عليها'
عند الرياجيل الشيخ يملك لهم ووقعت خلود غصب بـ أمر من أمها إللي من تتكلم بناتها يسمعون الكلام غصب ..
بـ المجلس لسا ابو راشد ما رجع لهم ..
الشيخ متوسط حمد وأبو راشد .. وأبو سعد جالس وع يمينه أبو خالد 'هذا معروف ع طوول .. إنو أبو خالد مايجلس إلا ع يمين ابوهـ' وع سيار أبو سعد كان أبو سعود وأبو تركي وأبو فارس جالسين بجنب بعض وبجنب أبو فارس فواز وبعدهـ عزام وبعد عزام حاتم وبعدين باقي الشباب عدأ خالد إللي مابعد إنتهى شهر عسله ... وفيصل إللي ماصار له متزوج أسبوعين ..
الكل يسولف .. والشيخ كان يسولف مع أبو سعد وأبو خالد ..
حمد جالس يناظر الكل .. جالس يسولف ويضحك وكأنهم أسعد ناس واهم بـ الفعل يشوفون إنهم أسعد ناس ويحمدون ربهم ع طوول .. وبـ خاطرهـ 'ليتها ترفض توقع عشان أفتك من الهم إللي ع قلبي .. مامشانا للخطوهـ هذا غير خاطرك ياخاله وإلا بنتك تنداس مو يجي لها خاطر عندي'
دخل ابو راشد للمجلس واهو مبتسم هذا دليل ع إنو البنت وقعت .. حمد تحطم لكن حاول مايوضح للموجودين هـ الشيء ..'إذا جلس بروحه بيطلع كل إللي بخاطرهـ وإلا منو يرضى ياخذ وحدهـ عاييفته وقايلتها له وقبال الكل .. مشوارك طويل ياحمد مع هـ الزفته خلود' صحى من أفكارهـ والشيخ يقول له : ألف مبروك ..
حمد وقف للشيخ وسلم عليه .. وسلم ع أبو راشد واهو يقول له : خذيت احرك وحدهـ عندي .. عاد الله الله فيها ..
حمد تبسم غصب وقال : مايحتاج توصي ياعمي ..
تقدم وسلم ع جدهـ لإنه الأكبر وبعدها ابوهـ إللي متشقق من الوناسه .. وبعدها خاله أبو خالد وبعدها عمه أبو تركي وبعدين خاله أبو فارس وبعدين جا وقت الشباب من فواز إلـى وليـدي فديته .. وخذوا وخلوا من تعليقات الشباب وخصوصاً إللي ميتين ع الزواج .. أكيد عرفتوهم ..'بدر , ياسر , وسام'
سعود يستهبل : مو كأن أحد ناقص من بينهم .!!
فارس : هههههههههههههههههههههههههههههه ,, راح بحاال سبيله وحصل إللي يبيه ..
بدر واهو فاهم إنهم يقصدون فيصل قال بـ حسرهـ : إي والله حصل إللي يبيه ..
الشباب : هههههههههههههههههههههههههههههههههه
تركي يكلم حمد : ما راح تدخل .؟؟
حمد : شوي بس ..
أبو راشد : حمد يلا للعروس ..
حمد يحس شيء يكتم ع أنفاسه ويجر رجوله جر .. هذا إللي كارهتني .. كيف اضحي بـ مستقبلي كله وعشان خالتي .. واخذ وحدهـ عايفتني وأـنا عايفها .. ياربي عونك ..

طبعاً الحريم أخر وناسه .. وخصوصاً إنو الحفله جت بـ وقتها .. كانوا مضغطوين من الدوامات والإمتحانات .. ورقص طول الوقت .. وإللي مريحهم إنها فـ البيت وعائليه .. يعني مافي أحد غريب أبد .. كلهم عائلة (ــــــ)
خلود كانت كاشخه ع الأخر وإللي يشوفها يقول هذي ماخذهـ واحد عن حب مو إللي عايفه وماندري إذا خلود ندمانه وإلا لا باقي ع عنادها .. كانت لابسه زيتي فاتح شوي بدون أكمام وله قصه من تحت وماسك ع جسمها وشعرها إلـى أكتافها ومغيرهـ لونه لـ بندقي وتخصيله ثلجي .. ومع سمار بشرتها طالعه فضيعه .. ميك آب روعه وتاركه شعرها مثل ما أهو ماعملت تسريحه .. كانت جالسه فـ الكوشه .. وتناظر فـ البناات والحريم واهم يرقصون .. عدأ أمل إللي واصله حدها من الحمال وتهااني ..
جت لها أم سعود وخذتها بـ إيدها وتركتها ترقص غصب .. وفعلاً ماصدقت أحد ياخذها عشان ترقص .. لإنو الدنيا إللي حولها حماس والكل مبسوط ويرقص .. ليش إهي ماتسعد حالها وترقص وملحقه ع الهم والكدر .. قالوا إنو أبو راشد بيدخل ومعاهـ حمد .. الكل لبس عباته وغطاهـ عدأ أم راشد وخلود وام سعد ..
دخل أبو راشد وحمد بجنبه يمشي وصاير عذاب شكله .. طويل عريض رزهـ وملامحه تشد الواحد .. رجُل بـ الشكل وبـ الفعل .. ويابخت خلود فيه .. حمد واهو يناظر بـ إللي موجودين كلهم أسود عدأ خالته الماسه وجدته وعروس الغفله إللي بـ الكوشه ..
وقفت خلود بكل ثقه لكن من داخلها عواصف تهف فيها .. بجنبها أمها .. تقدم حمد وصافحها بسسسسسسسسسسسس .. إلـى الآن مجروح وراح يضل مجروح .. مهما كان اهو رجُل والكلام إللي إنقال له مستحيــــــــــــــــل أي رجُل يتقبله وإلا ينساهـ حتى لو بعد مليون سنه .. الكل إنصدم من حركته .. لكن الماسه عاذرته تعرف تفكير الرياجيل بعد الكلام إللي ينقال لهم نفس كلام خلود .. البنات شـ أقول عنهم .. طبعاً عجبهم شكل حمد لكن الصدمه جت لما صافحها وبس .. كل البنات إللي يعرفون السالفه حسوا فيه .. ووتين تطبخ من جواها ع إللي يصير لـ أخوها .. وسن مسكت إيد وتين ووتين ناظرتها وفهمت عليها .. طبعاً رريم وأمل والحريم عدأ الماسه مايعرفون بـ السالفه إللي صارت مابين حمد وخلود ..
أمل أستغربت من أخوها إللي شخصيته قويه ومعروف من بين أخوانها بـ شخصيته .. وقالت لو مايبي خلود ليش تزوجها .. ريم نفس الشيء .. لكن إللي استغربوهـ إنو خلود ولا كأن حمد موجود .. تأكدوا إنو خلود فيها شيء .. مساكين هـ الثنتين 'أمل ’ ريم' مايعرفون بـ الحرب إللي قامت ولا هدت ..
أم سعود بـ خاطرها 'فديته ياناس رجااااااااال .. حتى بـ دخلته رجااااااال' سلم عليهم أبو راشد ومشى من عندهم ..
جلس حمد وجلست خلود .. كل واحد بـ مكانه .. سلمت عليهم الماسه وإهي واصله حدها من بنتها فوق ماهي غلطانه عليه بـ الكلام ولا كأن إللي جالس بـ جنبها زوجها .. حمد وقف لهم ... وسلموا عليه .. وباركوا له حتى البنات كلهم صافحوهـ .. يحس بـ الحياهـ فـ مصافحة البنات والحريم له .. لكن لما صافح خلود ماحس إلا بـ الكرهـ يزداد منه لها والتوعد بـ داخله لها بـ الويل منه .. جابوا له الشكبه ولبسها ولا فكر حتى يبوس إيدها ... طبعاً ماباس راسها عشان يبوس إيدها .. شاف نظرات الحريم والبنات لكن بـ خاطرهـ 'مابقى إلا إهي أبوس فيها .. تخسي إلا إهي .. مالها مني إلا الكرهـ مو الإحترام والتبويس' سلمت عليها أم سعود وإهي مبسوووووطه ع الأخروباركت لها { ياحياتي ع الأم ماتدري بـ إللي صاير ومبسوطه لـ ولدها إللي من ملك ع خلود واهو لسا مبتدي الجحيم إللي بيعيشه طول حياته مع خلود }.. إهي من تحركت أم سعود عشان تسلم ع ولدها وإهي جالسه ولا همها لا حمد ولا أمه .. حمد إنقهر من حركتها هذي يبي لها تكسير راس من جد .. ع الأقل تحترم خالتها ليما تنزل من الكوشه وتنثبر مو .. أم سعود طنشت الموضوع .. وحضنت حمد بقوهـ وإهي تبوس فيه .. حمد ماصدق خبر لمها له أكثر .. أم سعود وإهي حاضنته : مبروك يـ أبوي ..
حمد واهو لام أمه إللي واصله معاهـ إلـى فوق أكتافه بـ شوي 'طبعاً ام سعود طويله'
قال : الله يبارك فيك ياقلبي ..
أم سعود وإهي تبتعد : لا أوصيكم ع بعض عاد ..
حمد يتغصب الإبتسامه : لا توصين يمه ..
مشت أم سعود ولا بقى أحد .. خلاص الكل بارك لهم .. جلس حمد مكانه ولا فكر مجرد تفكر لو واحد بـ الميه إنو يحط إيدهـ بـ إيد خلود نفس باقي المتزوجين ..
خالاته وعمته وخواته يرقصون .. واهو ولا مهتم يفكر بـ إللي جالسه بجنبه .. كيف يتخلص من هـ المصيبه .. خلاص صارت حلال له .. لكن اهو عايفها عايفها وعاف كل البنات بعدها ... إذا بنت خالته وتتكلم بـ طوالة لسان كذا .. أجل باقي البنات شنو يقولون .. خلاص يبي يكسر راسها لكن شلون .. وفكر لو يبلشونه ذا الحين بـ سالفة الزواج واهو مايبي يجتمع معاها فـ بيت واحد .. يبي يبقون كذا ع طوول كل واحد فـ بيت أهله أفضل له وأفضل للثاني .. قال بينه وبين نفسه .. 'أـنا مستحيل أنسى إللي أنقال لي منها .. وخلاص طاحت من عيني .. لكن بحاول أستدرجها ليما أأدبها واسنعها وإذا تسنعت كان بها وإذا لا فـ كل واحد بـ طريق' قطع عليه صوته وإهي تتكلم بـ خفيف عشان يسمع بـ الموبايل .. طبعاً ما انتبه إنو موبايلها دق وانصدم مو للدرجه هذي .. عروس بـ ليلة ملكتها وتكلم بـ الموبايل ع كوشتها وبجنبها العريس .. هذا شـ معناهـ إني أـنا كأني خروووف وإلا كأني الكرسي إللي إهي جالسه عليه .. حاول يستوعب شوي .. يناظرها يصدق يكذب .. هذا من جد تتكلم بـ الموبايل .. اهو مايبي منها لا حب ولا غيرهـ .. بس ماتسوي كذا قبال الكل .. فكر لو كانت الملكه كبيرهـ .. لكن حمد ربه إنها عائليه وإلا كان راحوا فـ خبر كان من تفاهة هـ البنت .. خلود إللي متفقه مع صاحبتها تدق عليها قالت طبعاً من بعد السلام والسؤال عن الحال والأحول .. أكيد عرفتوا صاحبتها .. صاحبة المشاكل كلها .. مرام الغفله .. ^_^
مرام يقال إنها مبسوطه لـ خلود وكأنها ماتعرف إنو زوجها بجنبها طبعاً هذي خطه قالت : مبرووووووووووووووك ياقلبي ..
خلود وإهي يقال إنها تتكلم بـ صوت خفيف لكن معروفه إسمع ياحمد : تباركين ع شنوو ياقلبي .. ع الهم ع الكرهـ ..
مرام : ياقلبي لا تهمين نفسك صدقيني مايستاهلك ..
خلود وإهي يقال إنها حزينه : أعرف إنه مايستاهلني ..
مرام وإهي تضحك : خلوووودهـ .. أحسه بيقوم يدوسك ويجي لي بـ جدهـ ويدوسني .. يلا كذا خلاص ..
خلود وإهي ماسكه نفسها لا تضحك .. لإنو المطلوب وصل قالت : أوكي حياتي ما اٌقدر أطول { ورفعت صوتها عشان يفهم إنها كانت تتكلم بصوت خفيف وإنها ماكانت خطه ولا تبيه يسمع } زوجي بجنبي ..
مرام إللي إنفقعت ضحك وقالت : باي ..
خلود قفلت ورمت الموبايل ..
حمد مصدوم لكن مثبت ملامحه عشان لا توصل للي تبيه .. وكأن حمد ماسمع شيء إلا يطري فـ باله شيء وخلاص إلا يبدأ معاها من الأول .. رسم إبتسامة رضى ع شفايفه .. وإهي إللي تناظر بـ إللي يرقصون وإهي متأكدهـ إنه مقهور وع الأخر .. لكن ماتعرف منو حمد .. أمل ترقص خفيف مرهـ .. مرهـ وحدهـ وجت لهم بس عشان اخوها ..
أمل وإهي تمشي خفيف لهم ووصلت لهم قالت : بس عشانك رقصت ..
حمد : هههههههههههههههه .. تُكفين إمسكي أرضك .. لا يصير فيك شيء ثم أروح فـ خبر كان ...
أمل وإهي تضحك قالت : إسم الله عليك من خبر كان .. يلا ماتبون تجلسون بـ روحكم ..؟؟
حمد واهو يلف يناظر خلود ويرجع يناظر أمل قال واهو مبتسم : مابغى أحد يجي لنا ويسالنا .. ياشيخه من زمااااااااااااااااااااااااااااااان خاطري بهـ الشيء ..
أمل : هههههههههههههههههههههههههه ,, يلا في غرفه هناك { وتأشر له } روحوا جلسوا مثل ماتبون ..
خلود كانت متوقعه الرد .. لكن من سمعت كلام حمد إنصدمت .. خير شـ عندهـ هذا ... مع كل إللي سويته في لسا عندهـ أمل مني .. أكرررررررررررررررررهه ..
حمد وجت له الماسه تمشي قالت : ها حبيبي وين ؟؟
حمد واهو يتبسم : نجلس بـ روحنا وإلا ممنوع ؟؟
الماسه إللي ماتوقعت قالت : حبيبي خذ راحتك هذي زوجتك ..
حمد : أوكي وين بـ الضبط ..؟؟
الماسه : تعالوا معاي ..
مشى حمد وخلود كانت جالسه ولما شافت أمها وحمد مشوا وقفت ومشت وراهم .. { وربي شكلهم يضحك .. يقول هذيل مستحيل مستحيل يكونون متزوجين .. حتى ع إللي يشوفونه مستحيل يعطونه إسم صداقه إللي بينهم .. هذا ممكن يقولون مايعرفون بعض وإلا يكرهون بعض .. وإلا عروس وعريسها يمشون كل واحد قبل الثاني .. الأساس يمسكون إيدين بعض .. لكن اهم عكس العرسان .. من جد الواحد يستغرب ويضحك فـ نفس الوقت ..} البنات يناظرون خلود لما قامت كأنها مقروصه .. ولحقت فيهم . . كل وحدهـ ناظرت الثانيه تتسأل عن الإثنين هذيل .. لكن مع هذا إنفجرت وتين ضحك ع حركة خلود .. ناظرتها وسن وباقي البنات ولا قدروا يمسكون نفسهم وضحكوا .. ريم وأمل إللي فـ صدمه مايعرفون هـ الإثنين شـ حسبالهم .. لسا باقي ماتزوجوا وإلا شـ السالفه ..
الماسه وقفت عند الغرفه وقالت : يمه خذ راحتك ..
حمد باس راسها ودخل الغرفه ودخلت وراهـ خلود وإهي ماتدري وين ربي حاطها فيه .. لكن قبل أمها قالت لها بـ إذنها : خليك محترمه معاهـ فاهمه وإلا ويلك ياسواد ليلك ..
خلود مشت لـ داخل وإهي مهمشه كلام أمها .. سكرت الباب الماسه عليهم وإهي متأكدهـ بتقوم حرب داخل ..
طبعاً حمد كأن البيت بيته من أول مادخل واهو جالس ع كنبه بروحها يعني لـ شخص واحد .. وماكان بـ الغرفه كنبه بـ روحها إلا هـ الكنبه .. خلود ناظرته وجلست ع كنبه تاخذ شخصين .. حمد ماناظر خلود ولا كأنها مووجودهـ .. وسبحان الله ويدق موبايله إلا هذا راكان وحمد ربه وقال يمهل ولا يهمل .. سبحان الله ..
رد برجولته المعروفه : آلوو
راكان : هلا والله بـ المعرس .. إيوا من قدك .. متملك وإللي تبييها صارت حليله لك ..
حمد : هههههههههههههههه ,, خلني استوعب شـ قلت ..
راكان : هههههههههههههههههههههههههههه .. مانشرهـ عليك الليله ..
حمد واهو يضحك ع سواليف ولد خاله : هههههههههههههههههههههههههههههههه
راكان بكل جد ومحبه : ألف مبروك يـ الغالي واعذرني ماصار فرصه اجي .. وإن شاء الله أول الحظور بـ زواجك أـنا .. وبنفسي ازفك ..
حمد إللي حاس فـ ولد خاله : يبارك فيك يـ الغالي .. ومسموح إحنا إخوان .. ومافي شك من كذا ..
راكان إللي إرتاح لـ كلام حمد قال : متى الزواج أجل ؟؟
حمد واهو يتمدد وكأن خلود ماهي موجودهـ : والله ما ندري ع حسب الأوضاع ..
راكان : هههههههههههههههههههههههه .. آهـ من هـ الأوضاع ..
حمد : هههههههههههههههههههههههههههه .. يلا عقبالك ..
راكان إللي صارخ : يسممممممممع منك ..
حمد : هههههههههههههههههههههههههههههههههههههههههههههههههه هه
راكان : إضحك إنت متملك وأـنا المسكين قدامي مشوار طويل .. والله لو أـنا مكانك ما افوت فرصه واتزوج ع طوول ..
حمد : هههههههههههههههههههههههه .. مو موهقك غير استعجالك هذا .. ترا فـ التأني السلامه وفـ العجله الندامه ..
راكان بملل : جينا للمرور .. ترا السالفه سالفة عرس مو مرور ..
حمد : كيفي مرور غيرهـ كيفي ..
راكان : حمد عندك أحد ..
حمد : عادي ..
رااكان إستغرب وعاد السؤال : عندك أحد ..
حمد : إيوا ..
راكان ماتوقع زوجته تكون عندهـ ويرد ع إتصال .. توقع عماته قال : شوف أـنا باركت لك وبارك للعروس عني وربي يوفقكم ..
حمد : تسلم يـ الغالي ..
راكان : توصي شيء ؟؟
حمد : سلم ..
راكان يستغبي : ع من ؟؟
حمد إللي يبي يقهر خلود : إللي خبرك .. ما اقدر أتكلم أـنا .. عاد إنت إفهمها ..
راكان : ههههههههههههههههههههه .. أوكي .. سلام ..
حمد : سلام .. وقفل ..
خلود جالسه تخزهـ واهو يكلم واهو ولا ناظر فيها .. واستغربت منو هذا .. الفضول ذابحها لكن ماتدري كيف تسأل .. حمد لف لها فجأهـ وناظرها .. واهو يخز فيها وإهي تخز فيه .. فـ داخله 'سبحان الله صدقت أمي لما قالت خلود نسخه من نجوى كرم .. نفس الملامح نفس السمار من جد سبحان الله يخلق من الشبه اربعين ..
فـ البدايه ماصدق وقال أكيد فيها ملامح شوي من نجوى لكن الملامح تكون نسخه من ملامح نجوى هذا إللي لسا متأكد منه '.. قال بـ طنازهـ : مبروك ياعروسه ..
خلود وإهي تخز فيه بكل قوة عين قالت : يبارك فيك ..
حمد واهو يوقف وإهي خافت لما شافته واقف قال : حلو عرفتي إنك عروس .. لكن تدرين واهو يناظرها بقوهـ وإهي خافت من نظرته نزلت عيونها للأرض ونبرته إللي خوفتها زود ورجفت قلبها قال : تدرين إنو فرق بينك وبين أي عروس .. فرق السماء عن الأرض ..
خلود إنصدمت من كلامه هذا شـ قصدهـ قالت : دام في فرق بيني وبين كل عروس ليش مزعجني وملاحقني .. إنت ماعندك كرامه ..
حمد إستغرب كلامها وين لاحقها ووين ازعجها قال واهو يناظر الكنبه إللي إهي عليها ماتاخذ إلا إثنيين وإثنين تكون أجسامهم حلوهـ مو كبيرهـ .. حمد تقدم وغصب نفسه وجلس بجنبها وإهي تجمدت لإنه مرهـ لاصق فيها وضاغط عليها بعد حاولت تقوم لكن اهو كان مثبتها معاهـ قال واهو يمسح ع شعرها وقريب من إذنها وهمس فيها : لو ماعندي كرامه كان ماخذيتك ياشاطرهـ .. إفهمي .. ماشي ..
خلود كل شيء فيها متجمد .. من قربه ولصقه فيها ومن إيدهـ إللي تمسح ع شعرها ومن همسه بـ إذنها وكأنه يقول لها أكرهك ويلك مني ..
حمد مبسوط ع حاله قال واهو ينزل إيدهـ ع كتفها : ليش ماتردين ؟؟
خلود ماتقدر تتكلم .. مصدومه .. لكن جمعت شوي من قوتها وقالت بصوت حلو إنه ينسمع : أ أكرهك ..
حمد ما انصدم بـ العكس متوقع هـ الشيء قال وإيدهـ ورا رقبها تروح وتجي : حلو .. إحنا كذا متفقين .. أـنا اكرهك وإنتي تكرهيني ..
قال كلامه وإهي لفت وجهها له مصدومه من كلامه . . يكرهها .. ليش ياخذها طيب .. قالت بقوهـ : وليش خذيتني ؟؟
حمد : أبد الله يسلمك .. في دروس إلا تفهمينها فـ الحياهـ هذي .. وماعندك إلا أـنا يفهمك هـ الدروس ..
خلود خافت .. هذا تهديد مخفي .. قالت : ش .. شــ قصدك ..؟؟
حمد واهو يتكلم بهمس لإنه قريب من إذنها : دروس وخلاص .. متى تبينا نبدأ أول درس ..؟
خلود : ما آبي أي شيء منك ..
حمد : لا ياحلوهـ إحنا ما اتفقنا كذا .. قولي أول درس متى .. وإلا أقول لك .. متى تبين زواجنا ؟؟
خلود : ما آبيه كلش ..
حمد : يعني ؟؟
خلود بقوهـ : طلقني ..
حمد ولا كأنها قالت شيء قوي : إنسي .. وإذا عندك غيرهـ قولي ..
خلود : طلقني ..
حمد يحطمها تحطيم وأـنا اقول تستاهل : تأكدي إني بـ أتزوجك وبتزوج غيرك ومعاك بـ نفس البيت ..
خلود قلبها يرقع من كلامه .. مهما كان مسألة إنو زوجها يتزوج عليها قويه حتى إذا إهي تكرهه قالت : طلقني وتزوج غيري ..
حمد ملاحظ تغير ملامح خلود ومستانس إنه بدأ يحطمها قال : إنسي .. والزوجه الثانيه موجودهـ إن شاء الله ..
خلود : حسبالك عبدت ابوك أـنا ..
حمد : الحشميه لـ خالتيي وابوك مو لك إنتي ..
خلود إنقهرت قالت : مستحيل إللي يدور بـ راسك يصير ..
حمد : لا تتحدين ..
خلود : أـنا متأكدهـ إنو مستحيل ..
حمد : شفتي شنو سويت .. تملكت عليك وإنتي ماتبين .. يعني الزواج بيصير إن شاء الله وغصب عليك ..
خلود وإهي مقهورهـ : إنت ماتحس .. أـنا اكرهـك .. ياخي خل عندك كرامه ..
حمد وبكل برود : واـنا اكرهك بعد .. لكن متى تبين الزواج .؟؟
خلود : قلت نجوم السماء أقرب لك ..
حمد واهو يوقف : أوكي شوفي نجوم السماء أوصل لها .. وزواجي منك راح يكون قريب والموافقه مابيني وبينها إلا كم خطوهـ ..
خلود والتحدي كبر براسها : مستحيــــــــــــــــــــــــــــــــــل ..
حمد واهو يطلع موبايله ويتصل فـ خالته وجت ع طوول .. جلسوا ساكتين ليما جت الماسه وفتحت الباب ودخلت ..
حمد : خالتي بعد إذنك الزواج آبيه بعد شهر من اليوم ..
االماسه إللي ماصدقت خبر قالت : أبركها من ساعه يمه .. لا تشيل هم إنت بس قول لـ عمك فهد ..
خلود إللي إنصدمت من الموعد وامها موافقه قالت : لاااااااااااااا ..
الماسه ناظرتها بقوهـ وسكتت غصب عنها ..
حمد واهو بيطلع قال يكلم خلود : لا تنسين شهر من اليوم { كمل بـ طنازهـ } ياعروستي .. وطلع من عندهم للرياجيل وقال لهم عن الموعد وفرحوا كلهم .. وتأكد الموعد ..