racha !

                                              ---        خدع ينفعوك فحياتك       ---
YouenssFQ





شي مرات كيسولك شي واحد شي سؤال ولكن نتا مفهمتيش وكتحشم تقوليه مفهمتش ساهلة كتهز حجبانك لفوق وكتعوج فمك بهاد طريقة صاحب السؤال غايحساب ليه بأنه قال شي حاجة غبية وغدي يعاود سؤال بصيغة أخرى
2..كنتي جاي عند شي مجموعة من الناس صحابك او عائلتك ولكن لقيتي شي واحد مكتحاملش معاه وخفتي يعاود عليك شي فضيحة ويفرشك ساهلة سير اسيد جلس حداه ومتسوقش ليه غير جلس حداه وجبد تيفونك وبدا تكونيكطى راه بربي مايجبدك ويقدر يعاود شوية ويمشي بحالو
3...بغيتي تكون عندك شعبية وسط الناس فكنصحك انك مني تبغي تهضر مع شي واحد سبق سميتو هي لولة لان هدشي كيعطي لبنادم واحد شعور أنه مهم فحياتك وبهاد طريقة كيتصنط ليك مزيان
4..شي مرات كتبغي تقنع شي واحد يختار شي حاجة ولكن هو مكيبغيش ساهلة قوليه هاد لجملة سحرية من بعد ما تنصحو ( ولكن وخا قلت ليك هدشي كامل عندك كامل الحرية تختارب براسك ) من بعد ماتقوليه هاد لجملة لعقل لباطن ديالو لاشعوريا كيخليه يختار داكشي لي باغي نتا حيت كيضن انه بصح هو لي ختار بحرية لكن فالوقع نتا لي فرضتي عليه داك الإختيار
5...كنتي جاي وشفتي صحابك واقفين وضارو عندك ولكن محركوش رجليهوم من بلاصتهم غير كمل طريقك راه شادين فيك نميمية وشافك شي واحد فيهم وقالهم سكتو هاهو جاي داكشي باش ضارو لعندك ديك ضورة ديال زمر متسوقش ليهم وكمل طريقك
6...بغيتي دير علاقة مع شي شخص كنقصد علاقة اجتماعية ماشي علاقة حب فهمتو معليك غير طلب منو شي مساعدة وبهاد طريقة غاتكون بيناتكوم

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
شي مرات كطلب من شي واحد يعاونك ولكن هو مكيبغيش علم النفس كيعطيك حل لي هو تطلب منو نفس المساعدة تلاتة دلمرات حيت لمرة الثالثة غايقبل عرفتي علاش حيت خليتيه يحس بأنه الشخص الوحيد لي يمكن ليه يعاونك زائد أنك كتخليه يحس بالندم حيت معاونكش من لول
3..كنتي شي مرة وسط شي ناس مثقفين وكيهضرو فشي موضوع ولكن نتا معرفتي ماتقول علم النفس كيعطيك حل وهو تبقا متبع مع الناس لي كيهضرو وعقل على اخير جملة قالوها ومني تحس انهم قربو يساليو عطيهم خلاصة لداكشي فاش كانو كيهضرو وفهاد اللحظة نتا خدعتي اللاوعي ديالهم وخليتهم يعتاقدو انك كنتي عارف علاش كيهضرو غير مافيك لي يهضر وصافي ولكن نتا فالحقيقة مكلخ كتر من جدي ههههههه
3..علم النفس كينصحك إلا كنتي وسط صحابك او عائلتك وقال شي واحد شي معلومة خاطئة متصححش ليه لمعلومة فالبلاصة عرفتي علاش حيت العقل الباطن ديالو كيقوليه انك صححتي ليه لخطأ ديالو باش تبينو مكلخ وسط الناس وخا نيتك كانت صافية وهدشي غايخليه ميبقاش يحملك وتقدر تكون بيناتكوم عداوة .

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
1 معمرك تعول على شي قمقوم يوريك شي حاجة فيها ربح إلا بغيتي تعلم سير ليوتوب وتعلم لي بغيتي بلاما تعول على هاد شعب .
2 فقتي ونتا مجونب متعطلش حيد لعكز وسير غتاسل باش يدوز نهارك على خير ولا مغاتلوم غير راسك .
3 ختار صحابك بكل دقة معندك مادير بنادم كيطيح ليك لمورال وحاسدك ضرب وقيس وعرف شكون يكون صاحبك .
4 هديك لعياقة ديال انا كبير خاصني نغوت على الأم ديالي ونبان واعر ...كنقولك جمع طرماحتك بكل خلاصة
5 مكتصليش حاول تصلي فاقرب وقت اخويا الله يهدي لجميع
6 كتعرف شي شخص ملحد بلاما تصدع راسك باش تقنعو بأن الله كاين وأن الإسلام دين الحق خليه...قوليه غير الله يهديك وسكت
7 عندك شي باركة ديال لفلوس حاول تستتمرهوم فشي مشروع باش هكا تروج صرف عندك وخا يكو لمشروع صغير
8 معمرك ضحك على شي شخص معاق ولا تبدا طلق عليه شي نكت راه بربي معالم بنفسية ديالهوم غير الله او بلاما تزيد عليهوم اخويا
9 معمرك تمل من دعاء لله وخا يبان ليك الطلب بالنسبة ليك صعيب يتحقق ( طبعاً دعاء فيه خير ليك او لغيرك )
10 هديك لعقلية ديال نتصاحب مع لبنات باش نبان على صحابي واعر....حيد داك تبرهيش ولا عنداك تقلق إلا شفتي ختك او بنت خالتك او بنت من
عائلتك شادة ستون مع شي دري
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

كيفاش تقنع شي واحد يدير داكشي لي بغيتي بلاما يشعر
1..الا بغيتي يعاونك شي واحد تهز شي حاجة وخفتي تقولها ليه وميبغيش ساهلة بدا تهضر معاه وعندك تقوله بغيتك تعاوني وهز لغرض لي بغيتي ومدو ليه وشوف ليه فوجهو وبدا تهضر معاه راه مباشرة بدون شعور غايشدو

2..كنتي باغي تسافر متالا وخاصك صرف وخفتي ميبغيش باك يدور معاك ساهلة خليه تايرجع ويرتاح وسير عندو وجلس فالجهة ليسرية ديالو وحط يديك على كتفو وقوليه داكشي لي بغيتي مباشرة هو غايجاوبك متخليهش يكمل هضرتو وجاوبو فالبلاصة كنضمن ليك غاتقنعو ولكن هدشي ديرو فالليل هدا غير مثال .....حيت هاد طريقة كيخدمو بيها الاستخبارات والا ردتي لبال انه غالبا فالافلام كيحطو لمتهم وكيجيبو كرسي لمحقق وكيحطو فالجهة اليسرى هدشي ماشي عبتا اخويا بلاما ندخلو فالتفاصيل

3 ..بغيتي تعرف واحد شي واحد كيكدب دخل يدك ليمنية فيديه اليسرة بشكل متشابك يعني دخل صباع يدك فيده وزير عليه بواحد لقوى متوسطة وشوف ليه فعينية متحيدش عينيك من عينيه وسولو الا كان كايكدب غاتحس بواحد الاهتزازت طفيفة مع احمرار لليد بسبب التوتر وزدياد نبضات القلب

4..كنتي جاي عند صحابك وملي وصلتي لعندهم قطعو لهضرة وشكيتي كيهضرو فيك وبغيتي تعرف ساهلة شوف فشي واحد فيهم ومتحيدش عينيك منو وقولهم بحال الا كضحك معاهوم كنتو شادين فيا النميمة وطلق ضحكة راه غايضحكو حتى هما وشوف تحت عينيه الا شفتي تجاعيد راه مكانوش كيهضرو فيك حيت ضحكتيهم بالمعقول الا مكانتش تجاعيد لخبار فراسك حيت دوك تجاعيد مكايبانو غير من ضحكة لي جاية من لقلب يعني حقيقية

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

...شي مرات كتكون فشي شاريع عامر بالناس ونتا مزروب لشي بلاصة ولكن الناس مكيخرجوش ليك طريق كاين حل هو دير يد وحدة فجيبك وتهز راسك لفوق وتزرب فمشيتك مباشرة بنادم غايخرج من طريقك حيت غايسحاب ليهم بأنك معصب ولا كتقلب على شي واحد تسلخو
2...بغيت نسولك واش عمرك قريتي شي كتاب او جملة او شي حاجة فالحلم ديالك غاتقول ليا لا وغانقولك راه مستحيل تقرا شي حاجة فالحلم ديالك عرفتي علاش حيت المنطقة المسؤولة عن الأحلام منفاصلة عن المنطقة المسؤولة عن القراءة فالدماغ داكشي علاش ميمكنش لينا نقراو وحنا كنحلمو
3...ديما كنشوفو فالاشهارات فاش كيشوي شي واحد لحم كيبان لينا لحم قهوي وكيلمع عرفتي علاش حيت كيدهنو لحم بسيراج ( هديك باش كيدهنو صباط باش يبان كيلمع وباقي جديد ) هدي من بين لخدع لي كيخدموها فالاشهارات ونزيدك عرفتي داك لعسل لي كتشوف فالاشهارات راه شي مرات كيخويوه على الفطائر خليني نقولك راه ماشي عسل راه زيت ديال السيارات هداك هدشي كيديروه باش يخفضو تكلفة ديال الاشهارات وباش يعطيهم وقت لتصوير من عدة زوايا وهكذا كتحشا لينا وفاش كنجيو لواقع كنتصدمو حيت شحال من واحد حشاتها ليه مكندونالد 😂😂

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

1...شي مرات كتشوي لحم فالدار وكتكمل ولكن كتبقى ريحة شوى فالدار خود قشور ليمون او لحامض وديرهم فمجمر وريحة غاتحيد
2...عندك شي قطة ومبغيتيهاش دخل لشي بيت خود لخل ورشو على لعتبة ديال اي بيت مبغيتيش دخل ليها راه مغديش تقرب لديك لبيت كون هاني
3...فيك جوع وقلبتي لقيتي لخبز كارم ومول لحانوت ساد خود لماء ورش بيه داك لخبز لكارم مزيان حتى يولي رطب ودخلو لفران وتسنا شوية ينشف وخرجو وهاهو خبز طري وسخون بصحة وراحة
4...كنتي باغي شي نصيحة ولا بغيتي تشاور مع شي واحد افضل شخص تشاور معاه هو جدك او جداتك او اي شخص كبير فالعمر
حيت هاد الاشخاص دازو من نفس طريقك وسبقوك بتجارب شخصية وهما لي عندهم افضل النصائح


- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

واش تقدر تأثر على شي حد غا بالهدرة لا وقف عليك بسلاح وبغا يسرقك ؟
أولا وقبل كل شي غانقوليكم نساو عليكم السؤال اللي يلاه قريتو، علاش ؟ .. حيت اكفس حاجة تقدر تحط فبالك هي تلعبها بطل لا وقف عليك شي حد بشي حاجة.. الواقع حاجة و الافلام حاجة اخرى، الافلام كايكون عندك الوقت تفكر وتلقى الحل وتعوج ليه يدو وتهرب ههه واو سوو واندرفل !
- اولاً، نتا مكتشوفوش اصلا ملي كيجي، تا كيحط ليك السلاح مور ظهرك ولا فعنقك، كاتطلع معاك البرودية، كاتخاف على حياتك، كاتفكر فعائلتك، ديك اللحظة كاتدوز بزربة، ولكن بالنسبة ليك الثواني تما كتولي تبان ليك أبدية. وايلا كان عندك الزهر تقدر ترجع لداركم صحيح فصيح .
- مغيكونش عندك بتاتا الوقت تفكر فشي خطة. تفكيرك اصلا غيكون مشوش حيت كاين سيف مثلا محطوط فظهرك و من واحد كيغوت عليك، تما غايكون عندو التحكم الكامل وهو براسو كيعرف هادشي.
لهذا عزيزي .. عزيزتي، لا تحطيتي فهاد الموقف، متفكر فتا شي حاجة فيها انك تحاول تأثر عليه ولاتحاول تهرب ولا تدير شي حركة غير عادية.
ملي واحد متهور بما فيه الكفاية يحط ليك سيف فظهرك، عمر ما غاتقدر تحدد المصير ديالك فديك اللحظة ولا تشك فالإجابة ديال واش بإمكانو يآذيني ولا لا .. اي حاجة كتديرها، غاتلعب ضدك. غاتقمر على حياتك باش توفر شوية دالفلوس معاهم التلفون ديالك. معرفتش كيفاش كتفكر نتا ، ولكن بالنسبة ليا الامر مكيستحقش.
تا شي حاجة من اللي كتملك ما غاتكون عندها قيمة بحال حياتك. هاد التجربة لا طحتي فيها غاتخلعك شوية ضروري، المهم انه بلا متحاول تبان انك هادئ ! وبلا متحاول تدير شي حاجة من داكشي كامل اللي سمعتيه من الناس، حيت دوك "النصائح" يقدرو يآذيوك او بالأحرى يقتلوك
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
15 لمعلومة خفيفة ظريفة .. أخر منشور ليا ليوما <3
1- احماض المعدة اللي كاينة فالجهاز الهضمي قوية بما فيه الكفاية لأنها تذوّب الزنك. لحسنا حظنا، الخلايا المتواجدة في بطانة المعدة كاتجدد بسرعة، الشيء اللي مكيخليش للأحماض الوقت انها تذوبها.
2- الرئتين فيهم كتر من 300,000 مليون شعيرة دموية. ايلا جينا نلصقو وحدة بوحدة، غايمتدوا لحوالي 2400km.
3⁃ الكبد هو العضو الوحيد اللي بإمكانو يتجدد راسو واخا يتحيد من جسم الانسان.
4⁃ الخصيتين اللي عند الرجل كتنتج 10 مليون حيوان منوي كل يوم - كافي أنه يحيي ساكنة العالم كاملة غا فـ6 أشهر.
5⁃ العظم ديالك قوي بحال الگرانيت من ناحية تحمل الثقل. قابسة زالاميط (علبة الثقاب) ديال العظام بإمكانها تحمّل ثقل 9 طن - كايعادل 4 مرات من داكشي اللي السيما (الإسمنت) يمكن تتحمّلو.
6⁃ الظفر كياخد 6 اشهر كحد أقصى باش يكبر من التحت للفوق.
7⁃ أطول عضو فالجسم هو الجلد. كيغطي عند راجل شاب 1.9m2. الجلد كيتقشر بشكل دائم - في عمر الحياة، كل شخص كيفقد حوالي 18 كيلو من الجلد.
8⁃ ملي كتنعس، كتكبر قرابة 8 ملم، ولكن فاليوم التالي كترجع للطول السابق ديالك. السبب راجع لأن الديسك ديال الخضروف كيتقلص بحالو بحال البونج، بفعل قوة الجاذبية ملي كتنوض وملي كتريح.
9⁃ متوسط الشخص فالغرب كياكل 50 طن ديال الماكلة و 50,000 لتر ديال السوائل فالحياة ديالو.
10⁃ كل كلوة كتحتوي على 1 مليون مصفاة. كيصفيوا كمتوسط 1.3 لتر ديال الدم كل دقيقة، وكيقذفوا 1,4 لتر ديال البول كل اليوم.
11⁃ عضلات العين كتحرك حوالي 100,000 مرة فاليوم. باش تعطي لفخادك نفس الخدمة، غايخصك تمشى 80 km كل يوم.
12⁃ فمدة 30 دقيقة، متوسط الجسم كيخرّج الحرارة اللي بإمكانها تسخن تقريبا 7 لتر ديال الما.
13⁃ كرية الدم الحمراء كتاخذ فقط 60 ثانية باش دير دورة كاملة على الجسم.
14⁃ العين كتستقبل على وجه التقريب 90% من المعلومات ديالنا، الشيء اللي كيخلينا أساساً مخلوقات بصرية.
15 ⁃ مبيض المرأة كيحتوي على حوالي نص مليون بويضة، بالرغم من هاد العدد كامل ، تقريبا 400 هي اللي عندها الفرصة انها تبني حياة جديدة.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

.
2 ⁃ تعلم نقول " لا " لبنادم و ماتحشمش منو.
3 ⁃ عرف بلي عندك جوج وذنين لسبب، سوو قرر تبقا تسمع جوج مرات عاد دوي.
4 ⁃ بدا تسمع للكتب الصوتية اللي كتخليك بعيد على كاع الاجهزة و تقدر تريح مرتاح بعينين مغمضين.
5 ⁃ بدا تعامل راسك بالمعاملة اللي باغي الناس يعاملوك بيها وبدا تعامل الناس كيما نتا باغيهم يعاملوك. مكتصدقش ديما مي كتبقى بداية ممتازة.
6 ⁃ ريح بوحدك لمدة ساعة لأيام، ساعة تأمل فذاتك و تصرفاتك و فأي حاجة حداك. بعيد على الناس، بعيد على الالكترونيات. غير نتا.
7 ⁃ فيق مع 5 ( غاتنعس بكري بطبيعة الحال 10:30 ) و عمرك ما تجاهل وجبة الفطور.
8 ⁃ حط قدامك 3 اهداف و لا حوايج مهمين خاصك تديرهم فهاد النهار.
9 ⁃ عرف بلي خاصك تسامح الناس، ماشي حيت كيستحقوا السماحة ولكن حيت نتا كتستحق الهنا و راحة البال.
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

10 ⁃ كتلقى راسك كتحل الفايسبوك ولا الواتساب مرة بعد مرة بدون منفعة ؟ حط اللابتوب ولا الفون ديالك بعيد و خرج ضرب ليك شي مشية فينما قدرتي تمشي. حيت معروف عند كلشي انه المشي احسن طريقة باش تجمع و ترتب الافكار ديالك وترتاح و تعاوذ النظر ديالك فبزاف دالحوايج.
11 ⁃ قبل ماتنعس، وهم العقل ديالك بلي خاص ينوض فالساعة 6 ديال الصباح مثلا. غادي تفاجئ مع الوقت القريب انك مغتبقاش محتاح لـalarm. غاتقول ليا بلي انا نعاس و ماكانوض غا بزز .. حط التيلي بعيد عليك بمسافة ملي تبغي تنعس حيت غاتحتاج تنوض تمشى عندو ملي لـalarm غاتصوني فالصباح.
12 ⁃ بالليل راجع نفسك و تفكر الحوايح الزوينين والخايبين اللي درتي فاليوم كامل. و كون صادق مع نفسك و وسول راسك واش بصح كان خاصك تتعامل هكاك ؟ و واش تقدر تكون مختلف غدا/المرة الجاية؟
13 ⁃ حاول ما أمكن تدير شي حاجة جديدة - نهج طريقة جديدة فالعمل ديالك، هدر مع ناس جداد، جرب شي نشاط عمرك درتيه. متخليش الفضول و الخوف ديالك كيقتلو فيك يومياً.
14 ⁃ قد ما قدرتي تهدر قليل قد ما غايكون احسن - كل ما هدرتي بكلمات قلال و بساط و شرحتي بيهم شي حاجة لشي حد، غاتكون فهمتيها نتا بشكل احسن و غادي تزداد احتمالية ان الشخص المتلقي يتيقك. ملي تكتب شي ميساج ولا ايمايل ولا تقول هدرة بصفة عامة، سول راسك كيفاش نقدر نصغرها بنسبة 25% من الحجم الاصلي ديالها على الاقل.
15 ⁃ عمرك ماتقول كاع داكشي اللي ضارك لشي حد.
16 ⁃ ايلا جا شي حد و طلب منك السماحة - ابتسم وقبل الاعتذار ديالو فأسرع وقت ممكن، متكبرش القضية بزاف.
الاعتذار راه صعيب.
⁃ بعض الحقائق اللي خاصك تعرفهم :
17 ⁃ تا شي حد ما نضمنو ليك يبقى فهاد العالم من غير واليديك. ديما شك باش ماتصدمش.
18 ⁃ الناس كيعجبهم المظهر كتر من الفكر.
19 ⁃ بنادم اللي كتبغيه دابا كتر هو اللي غادي يقصحك كتر .
20 ⁃ لا كنتي بنادم مزيان، الناس غادي يستغلوك كتر من انهم يبغيوك.
21 ⁃ النجاح غادي يخلي العالم يتعرف عليك، أما الفشل فغيخليك اتعرّف على العالم.
22 ⁃ بزاف هوما اللي غاينتقدوك، قليل اللي غايعرفوك، و نادرا تلقى اللي غايفهموك.
23 ⁃ ماشي بنادم اللي كيتبدل مع الحياة، المشاعر هي اللي كتبدل سوو تا بنادم غايتبدل.
24 ⁃ غادي تكون فحالة ماسة للمساعدة واحد النهار و ماغاتلقى اللي يوقف معاك.
25 ⁃ الناس كيقولوا انهم كيشعروا بالأسف ملي كتمر نتا من حالة عصيبة فحياتك، ولكن تقدر تلقاهم فرحانين لهادشي اللي واقع ليك.
26 ⁃ فالنهاية، غايكون خاصك تواجه مشاكلك لراسك، تا حد ماغايواجههم فبلاصتك. ماتعول على حد.
27 ⁃ المشاعر بعض المرات يقدرو يخرجو عليك، تقدّم بحكمة و حذر.
28 ⁃ كلشي غاتجي الوقيتة ديالو.. انا، نتا ، كلشي .. ماتخليش راسك تعلق بزاف حيت التعلق كايجيب التعاسة.
29 ⁃ شي حوايج غايوقعو و غايساليو، سوو بلا ماتبكي حيت سالاو ولكن ابتسم حيت وقعوا.
30 ⁃ الحياة ساخرة، كتاخد الحزن باش تعرف شناهي السعادة، الصداع باش تقدّر السكات، و الغياب باش تعطي قيمة للحضور.
31 ⁃ هادوك اللي ماتوا البارح، كانوا عندهم مخططات لهاد الصباح، واللي ماتوا هاد الصباح عندهم مخططات لهاد الليل. متاخدش الحياة كأنها هبة أبدية.
32 ⁃ الحالة ديالك دابا مكتعنيش انها محطتك الاخيرة، اي مرحلة فحياتك فهي مؤقتة تيقني يا عزيزي/عزيزتي، ملي غاتكون فلحظات زوينة، عيشها ! ملي غاتكون فلحظات حزينة، تفكر الايام اللي كنتي فيهم مرتاح البال وناشط. وبلي هادشي غا مؤقت وغايدوز.
33 ⁃ اكبر صراع غادي تواجهو هو الصراع مع نفسك.
34 ⁃ التوقعات هي الجذور ديال الازمات النفسية.
35 ⁃ غادي تموت .. اللهم غيّر النظرة ديالك للعالم و متخليهش كيما لقيتيه أول مرة فاش تلاقيتي بيه.
36 ⁃ غادي تواجه صعوبات فالحياة .. اكتئاب، الموت ديال شي حد عزيز عليك وخصوصا لا كان من عائلتك، الفشل، الفراق ... ولكن بقا متفائل، متخليش حوايج بحالو هادو يوقفوك، بغيتي تبكي ؟ بكي ! بغيتي تغوت ؟ غووووت مع راسك ! دير اي حاجة تخليك ترتاح نفسياً و متخليش داك الألم محبوس فالداخل ديالك، لا !! عيش الألم باش يمشي .. هادشي غادي يخليك تطيح ولكن مخاصكش تهبّط يديك .. لا نوض هز راسك و كمل طريقك و كانواعدك بلي كلشي غاتنساه و غادي تشكر راسك حيت كملي و ماوقفتيش فطريقك. عقل على كلامي !
37 ⁃ بنادم غايهدر فيك بالخايب واخا تكون زوين/سخي/ظريف.. والله مايرحمك !
38 ⁃ متبينش الضعف ديالك ولو لأقرب الناس ليك، حيت غايجي واحد النهار مغاديش تبقا مع داك بنادم، والناس عزيز عليها تغنّى بالضعف ديال الناس لاخرين .
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - ------
.
2- الرئتين فيهم كتر من 300,000 مليون شعيرة دموية. ايلا جينا نلصقو وحدة بوحدة، غايمتدوا لحوالي 2400km.
3⁃ الكبد هو العضو الوحيد اللي بإمكانو يتجدد راسو واخا يتحيد من جسم الانسان.
4⁃ الخصيتين اللي عند الرجل كتنتج 10 مليون حيوان منوي كل يوم - كافي أنه يحيي ساكنة العالم كاملة غا فـ6 أشهر.
5⁃ العظم ديالك قوي بحال الگرانيت من ناحية تحمل الثقل. قابسة زالاميط (علبة الثقاب) ديال العظام بإمكانها تحمّل ثقل 9 طن - كايعادل 4 مرات من داكشي اللي السيما (الإسمنت) يمكن تتحمّلو.
6⁃ الظفر كياخد 6 اشهر كحد أقصى باش يكبر من التحت للفوق.
7⁃ أطول عضو فالجسم هو الجلد. كيغطي عند راجل شاب 1.9m2. الجلد كيتقشر بشكل دائم - في عمر الحياة، كل شخص كيفقد حوالي 18 كيلو من الجلد.
8⁃ ملي كتنعس، كتكبر قرابة 8 ملم، ولكن فاليوم التالي كترجع للطول السابق ديالك. السبب راجع لأن الديسك ديال الخضروف كيتقلص بحالو بحال البونج، بفعل قوة الجاذبية ملي كتنوض وملي كتريح.
9⁃ متوسط الشخص فالغرب كياكل 50 طن ديال الماكلة و 50,000 لتر ديال السوائل فالحياة ديالو.
10⁃ كل كلوة كتحتوي على 1 مليون مصفاة. كيصفيوا كمتوسط 1.3 لتر ديال الدم كل دقيقة، وكيقذفوا 1,4 لتر ديال البول كل اليوم.
11⁃ عضلات العين كتحرك حوالي 100,000 مرة فاليوم. باش تعطي لفخادك نفس الخدمة، غايخصك تمشى 80 km كل يوم.
12⁃ فمدة 30 دقيقة، متوسط الجسم كيخرّج الحرارة اللي بإمكانها تسخن تقريبا 7 لتر ديال الما.
13⁃ كرية الدم الحمراء كتاخذ فقط 60 ثانية باش دير دورة كاملة على الجسم.
14⁃ العين كتستقبل على وجه التقريب 90% من المعلومات ديالنا، الشيء اللي كيخلينا أساساً مخلوقات بصرية.
15 ⁃ مبيض المرأة كيحتوي على حوالي نص مليون بويضة، بالرغم من هاد العدد كامل ، تقريبا 400 هي اللي عندها الفرصة انها تبني حياة جديدة.
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - ------
-بعض الاساطير الطبية اللي تربينا عليها و اتضح من بعد انه لا اساس لها من الصحة :
1- القراءة فالضوء الخافت و الضعيف كيضعف البصر
الحقيقة :
كاينة آلية منظمة بزاف فالعين سميتها التكيف Accommodation كتتحكم فقوة الابصار حسب الضوء لي كيدخل للعين .
سوو واخا مع الضوء الضعيف عينيك غيتكيفوا تماماً معاه وعمرو ماغيأدي لإضعاف البصر ديالك كيما كيتقال .
2- ملي كنرعفو كنميلو راسنا اللور وكنسدو الفتحة دالنيف
الحقيقة :
هادشي خطييير بزاف كيأدي لابتلاع الدم وماشي بعيد يقدر يتجلط الدم فالنيف مستقبلاً اللي غيسبب مشاكل كتيرة .
افضل طريقة هي نميلو راسنا للقدام شوية فمستوى الصدر و نضغطو بقوة على العظمات اللي فالنيف بش يوقف .
3- " ايلا طرطقتي صباعك راه غتصاب بالتهاب المفاصل و غايمشي داك الزيت اللي فيهم "
الحقيقة :
هادشي معندو تا شي علاقة سوى قريبة ولا بعيدة بالتهاب المفاصل . واحد من الباحثين فهاد المجال طرطق صباع يدو الليسرية لمدة طويلة ، من بعد قارنها بالليمنية ومالقى تا شي فرق بيناتهم .
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - ------