Advertisement
Not a member of Pastebin yet?
Sign Up,
it unlocks many cool features!
- April 14, 2018
- 12:07 AM
- Sa pagpatak ng hating-gabi
- Kumo't unan ang katabi
- Mistulang nawawala kapag naiisip ka
- Napapaisip, kung mahal mo ba 'kong talaga
- Palaisipan sa aking araw-araw
- Kung sa paglipas ng oras, tayo ba'y nakakasabay
- O unti-unti ring napaparang
- Hambing sa harang na walang hanggan
- Unang araw ng pagiibigan
- Tanaw na tanaw ang kinabukasan
- Na sa piling ko ikaw ay mananatili
- Na sa piling mo, 'di mawawaglit
- Tunay nga bang pagiibigan
- O isa lamang libangan?
- Na sa isang saglit ng di pagkakaintindihan
- Pagguho ng tulay ang masasaksihan
- Tila kailanma'y di na maabot pa
- Ang iyong damdamin na nakawala na
- Minsang pinagbigkis tayong dalawa
- Ngunit oras na ata ng pagsisimula
- Magsimulang luwagan ang bigkis ng pagmamahalan
- Na sa ati'y kunwaring sumasakal
- Kunwaring nasasaktan at lumuluha
- Pero totoo'y parehas sa hinagpis at tuwa
- Minsan tayo'y isang papel na eroplano
- Lumilipad kapag binato
- Subalit ang pakiwari kong walang hangganan
- Darating din pala sa isang hantungan
- Hantungan kung saan ang isa'y pagod na
- Ang libingan ng mga minsanang alaala
- Sa paglipad nating mataas at makiling
- Naabot ang hangin ngunit 'di ang bituin
- Ngayo'y sabay tayong babagsak
- Ngayo'y malaya tayong bibitaw
- Dahan-dahan tayong bumaba
- Tanggaping eroplano'y papel pala
Advertisement
Add Comment
Please, Sign In to add comment
Advertisement