من هو الحمصي..؟؟
================
الحمصي : هو كائن حي محبوب
دوليا - مظلوم محليا - قوي جسديا
فقير ماديا - ومافي معو مصاري نهائيا - والعجب كل
العجب أنه مازال حيا - كم أنت كبير أيها الحمصي

لا زال الشعب الحمصي رغم
الجراح.
.
.
1-اذا سألته وين فلان بجاوبك بــ (جيبتي)
2-لما يطلع من الحمام بيرش المي بوجه اول واحد بشوفه .

3-اذا شاف اخو الصغير مشتري شيبس او كولا او اي شيئ يقول له هات افتحلك اياه (مشان ياكل نصو)

... 4-لما بده يفتح كيس الخبز بشقه شق

5-اول ما يطلع من المخبز وهو مشتري خبز لازم ياكل نصو

6-لما يخلص علبة الشامبو لازم يعبيا مي (مشان يشطف الزوايا)

7- اول ما تسالو أمو وين رايح؟.. بيقلا يللا يللا راجع

8-لازم يفتح الثلاجة 15 مرة في اليوم .بدون مايطالع منها شي عم يتفرج بس

9-لما تلاقي كل اللحمة والجاج فوق بعضن بزاوية الثلاجة تأكد في ورآهن بوظة بالزاوية

10-لما يلاقي شي بالبراد بيشربو بعدين بيسأل لمين هاي

انشاء الله بتقبروا قلبي يااهل حمص شو رايقين.

أغبى 8 أسئلة حمصية
:1. بيتصل فيك رفيقك ع التيلفون الأرضي بيسألك وينك يا معلم ؟
أنا بالسوق بس ساحب الخط معي

2. بيشوفوك أهلك طالع من الحمام ومبلول بيسألوك شو اتحممت؟لأ طالع من البحر

3. بيشوفوك جيرانك واقف عم تستنى المصعد بيسألوك شو طالع؟
لأ لأ عم استنا البيت ينزل لعندي

4. بتكون بالحمام بيجو بيدقو عليك بيسألوك شو عم تعمل؟ولا شي عم ألعب بلي ستيشن

5.بيشوفو سيارتك مخبوطة وملعون أبوها بيسألوك شو عامل حادث؟لا والله بس غيرت ستايل السيارة

6. بتكون عم تسعل ومرشح بيسألوك شو مرضان؟لأ شو مرضان عم أمزح

7. متسطح بالتخت ومغمض عيونك بيسألوك شو بدك تنام؟لأ عم جرب موت

8. بتكون طالع من صلاة الجمعة بيجي واحد متأخر بيسألك شو خلصتو؟
لأ لسا بس الشيخ طالعنا استراحة

( لا تبعتوها لغير للحماصنة بلا فضااااايح )