اريد اعلن عشكَنا

اريد اعلن عشكنه كبال كل الناس
واريد وياك اعيش ايام عمري
واريدك هم تريد الردته وياك
واريد وياك كون يطول سهري
واريد ازرع البسمه بشفتك دوم
لان من تبتسم ينزاح قهري
واريد احجي البكلبي وياك هاليوم
لان صدك السكته كسرت ظهري
لكن خايف اني لو حجيت وياك
ما تقبل كلامي وتلتزم هجري
وانه بلياك ما اظن اظل موجود
مثل السمجه اني محبتك نهري
ولو تبعد اذن تختنك وتموت
ما يبقه بجسمهه ابد دم يجري
لكن راح احجي واليصير يصير
مو ميهمني لكن خلص صبري
راح اصرخ واكول كبال كل الناس
اريد وياك اعيش ايام عمري