Ang salitang mito ay hango sa salitang Latin na mythos na ang ibig sabihin  ay paglikha ng tunog sa bibig.  Iti ay pinaniniwalaang nagmula sa Babilonia at sa mga bansa sa Mesopotamia; at kabilang din ang mga Griyego, at mga Romano na naniniwala sa mga diyos at diyosa. Ito ay mabilis na kumalat sa iba’t ibang rehiyon sapagkat ito ay nagpapakita ng pakikipag-ugnayan ng mga diyos at diyosa sa mga karaniwang tao. Sa klasikal na Mitolohiya ang mito/myth ay representasyon ng marubdob na pangarap at takot ng mga sinaunang tao.