# nasin pona
toki. ni li lipu pi nasin pona lon toki pona. toki Sonko la nimi ona li "Daodejing" (anu "Tao te ching", kepeken ilo pi sin ala).

tenpo ni la lipu ni li pini ala. sina li wile pona e ijo la o toki tawa mi lon ilo IRC.

# 1
nasin li jo e nimi la
ni li nasin ala pi tenpo ale
nimi pi ken nimi li
wile ante tan tenpo

ala la mi nimi e tan pi ma en sewi
lon la mi nimi e mama pi ijo ale

ala li pona: mi ken lukin e ante nasin
lon li pona: mi ken lukin e ken nasin

tu la, ala en lon li kama tan tan sama
nimi ona li ante, pana ona li sama

sona ala lon sona ala
ni li open pi ken ale

# 2
jan lon anpa sewi
li lukin e "pona lukin" lon ijo pi pona lukin tawa ona.
kepeken ni la ona li sona e "ike lukin"

sama la ona li lukin e "pona" lon ijo pi pona tawa ona.
kepeken ni la ona li sona e "ike"

jan li ken sona e lon e ala tan ni: ijo ante li ante.
sama la, suli li pana sona tawa lili, ante la sewi tawa anpa.
kalama li wan la wan li lon.
wan li tawa, tu li kama.

tan ni la jan sona li pilin ala e ni: ona li jo e wile.
ona li pana sona e sona pi toki ala.
ona li toki ala, taso la soweli li pona.
jo li lon ala, taso la sewi li jo e ale.
tenpo pi ijo suli la pilin suli ala li lon.
tenpo pi pali la wile lukin li lon ala.
sina wile ala jo e suli la sina weka ala e suli.

# 3
jan lawa sona li pana sama e pona tawa jan ken en jan ante.
pali ni la ona li weka e utala.
ona li toki e ni: mani li suli ala.
pali ni la jan jo li kama ala.
ona li wile pini e kama mani
pali ni la lawa pi jan ona li kama ike ala.

tan ni la lawa pi jan sona
li pona e wile lon pi jan ona.
ona li weka e wile tan lawa ona
li pali e wawa insa ona.

ona li wile awen e pona pi lawa ona
li weka e wile ona.
pali ni la jan sona li kama sona e ni:
nasin ike ona li pali ala.
jan sona li pali e lawa pona la
ala li weka tan ma pona ona.

# 4
nasin li sama e telo pi tawa lili.
tenpo ale la ni li pana e wawa ona li pakala ala.

ni li sama e lupa suli suli lon kiwen.
sina ken ala sona e ni, taso la ken la ni li tan ale.

ni ken suwi e kiwen
li pona e utala
li pimeja lili e suno pakala
li wan e tu.
sona ala la, jan seme li sona e lon ona?

tenpo ni la mi sona e jan lili ala pi ni:
ona li sama e mama suli mi pi nasin pona.