lojban fanfic game 1

lojban fanfic game
stories
--
"LE SE SENVA BE LA LATKERLO"

.i ca lo nu la latkerlo cu zutse lo sfofa kei la binxo cu tolcanci ca'u ly. .i ly mutce spaji

.i ly cu cusku lu .i ta'i ma do tolcanci li'u

.i la binxo cu cusku lu lo makfa .i mi ji'a djuno lo du'u do djica lo nu binxo lo cakyrespa .i mi ji'a ka'e jai galfi do ri li'u

.i ly spaji farlu .i ly senva lo nu cakyrespa .u'e

.i limna le cicna je glare ke xamsi djacu .i se ba lo temtordu cu darca le sefta be lo xamsi .i spaji joi manci catlu lo crane be ly gi'e viska lo prane melbi daplu poi culno lo cilce spati je lo xutla canre je... so'i je so'i je so'i drata cakyrespa uero'a

.i cadzu le glare canre .i cakyrespa .i ganse lo ranti brife poi darxi le flira je le calku .i cakyrespa .i vreta xe'o lo canre je cu surla zukte je cu ganlygau le kanla .i cakyrespa .i cakyrespa .i cakyrespa...

ni'o ly suksa cikna gi'e stedu plipe fi le sfofa .i lu "lo cizra sai pu zi se senva mi .i... sei ckeji be lo ka retsku se'u, .y. ...doi la binxo? .i xu do zasti je'u? .i do zvati no drata be le se senva be mi, iau je'upei..." li'u .i ku'i no da spuda .i sance fa no zmadu be lo bartu be lo canko be'o savru
—
"LA BLOZ JO'U LO MONSUTA"

se pu lo nanca be li so'i to( lo satci namcu cu na vajni )toi le blozeile'a no'u la .bloz. cu blosazri bu'u la barda blanu xamsi .i ca lo manku je vilti'a nicte la .bloz. cu cadzu le galtu blololdi .i tolcanci fa lo barda je selkretce monsuta noi cusku lu doi .bloz. mi klama tezu'e lonu citka lo do pruxi

li'u .i la .bloz. noi selfi'u cu cusku lu lo mi pruxi cu na caku zvati .i lo drata monsuta cu citka li'u

.i lo monsuta cu senpi sai jecu cnisku loka senpi ku le flira be my  .i  lo monsuta cu cusku lu mi na'e kakne co citka lo'e pruxi doi bebna ga'i  .i le'o mi pu aidji co citka do si lo xadni be do li'u  .i la .bloz. co'a terpa terpa sai  .iki'u li'a by na djica lonu citka by  .iku'i sepu lo mentu be li so'o le monsuta cu cusku lu mi ca na djica co citka do  .i mi co'a ganse lodu'u do rigni  .i je'u do rigni rigni ie'i  .i li'a mi na nelci co citka lo rigni  .i co'o rigni bebni di'ainai li'u
.i la .bloz. cu badri sai jecu ku'i uinmo lodu'u by na se citka  .i klama co galtu lo bloti fa la .bloz. noi badri cadzu
—
"BEVRI ZMADU"

la zmadu bevri jo'u la latyge'u pu dzakla le ckafybarja tezu'e lo nu pampe'i .i le remei cu mutce peu xanka ki'u la'edi'u

.i la latyge'u cu klama le kajna je cu cpedu tu'a lo tcati joi ckafi .i ly di'a zutse vi le jubme .ije la zmadu bevri cu klama je cu cpedu .i sei peisku se'u, cu'u la latyge'u { mi xanka je cu ku'i kakne lo ka tavla la zmadu bevri } .i ku'i bazi bo la zmadu bevri cu xrukla je cu zmadu lo bevma'e lo ka bevri xo kau kabri

.i .uesai culno lo angila
—
"XU LO CNINO CU MABLA"

puzu la .djan.smit. cu facki la mabla cnino .i la .djan. cu cfari jbota'a pi'o la cnino .i lo datpre cu cusku fi la .djan. fe lu lo do valsi cu cnino .i mi na ka'e tersmu li'u

.i la .djan. cu frati lo ka suksa ke fengu binxo .i lu "ma voi mi pilno ki je cu cnino je me'au po do .o'onai na jimpe fi ce?!" .i dy ba'e *xebni* lo nu su'o da dicra lo nu tavla ri'a tu'a lo na'e se jimpe valsi .i ba'e *rigni*! .i ma paunai zmadu lo su'u ki'anmo ku lo ka mabla je fegli fanta lo nu simxu co casnu?

.i lu "ko na fengu" li'u... se cusku lo voksa poi simlu lo ka klama fi lo vacri .i ma tavla? .i ranji do'e lu "mi'e lo do mabla cnino doi .djan. .i fau lo nu do tavla se pi'o mi cu mabla je'u" li'u

.i dy se cfipu .i sruma lo du'u gastcica .i ku'i ma da'i rinka? .i lu "ba'e *mi* jai krinu lo nu no da kakne je nelci lo ka tavla do .i lo nu da'i do ru'i casnu so'i drata zo'u, sarcu fa lo nu do binxo lo ka claxu mi" li'u

.i la .djan smit. cu sisti

to mutce cfipu mi toi
—
"LA JANMISALIS CU SE GUNTA"

ni'o manku je vilti'a nicte .i la .janmisalis. cu cadzu ve'a le dargu be le jduli badydi'u .i ba'o lo nu cadzu seze'a lo cacra zo'u jy darca le jduli badydi'u .i cu'u jy { le vi dinju cu no'e marji lo jduli je cu bandu no da vau ge'e } .i bazi bo ku'i la .deiv. cu gunta

.i cu'u dy { doi la .janmisalis. o'onai  .i mi xebni do  .i ai mi catra do pi'o le'i cladaxi }  .i dy arco le cladaxi la .janmisalis. jecu cusku lu { le cladaxi be fi mi cu zabna zabna sai uisai  .i cy cmene zo mel ki'u po cy melbi iusai } li'u  .i la .deiv. denpa je pensi  .i ba'o la'edi'u dy cusku lu { mi djica co tavla do la mel  .i ku'i mi na'e ba'e djica po do tavla o'onai  .i ko na tavla doi la .janmisalis.  .i mi co'a ciksi fi do fe tau la mel } li'u  .i jy cu badri ru'e jecu uinmo sai lodu'u jy na ba se catra

ni'o ku'i jy. ja'a ba catra .i sepi'o le kamvli be la tokpona joi le toldra ke runbau fatci jy. kakne ji'apro roda .i lu bau la jbobau cu bilga lonu cusku lo sedu'u co'a cusku li'u se cusku jy. .i la .deiv. cu spoja .i lu ro lojbo valsi cu du le lojban valsi li'u se cusku jy. .i le jduli badydi'u cu spoja
—
"LA GLADOS CU CIKYGAU SU'O PRENU"

ni'o la su'o prenu cu cikybi'o vi lo cmalu ke blaci kumfa .i sruri py fa so'i tergu'i je so'e fengu catlu simlu ke zmiku birka je so'a kucli catlu kacma

.i to'o lo nalterju'o stuzi le stodi savru cu se dicra lo dasni pe'a be le ka xendo be'o voksa .i zmiku joi remkai ke xutla cusku lu "fi'i cikna .i ca lo cabdei cu cipra lo ka xadni jo'u menli sutra kei do .i do bredi seju cu li'i cfari co'i lo nu zo no se cusku" li'u fa la .glados.

.i la su'o prenu cu se cfipu joi terpa .i zvati ma noi pifydi'u simlu? .i ma noi voksa cu tavla? .i ma ba zi se lifri? .i ku'i mo'a da pensi temci .i lu "ci .i re .i pa" li'u simlu lo ka simsa lo jbama poi ba zi spoja...

.i zo no se cusku .i pa vorme noi pu na se viska cu co'a kalri
—
"LA EVILDE'AS CU CO'E"

la co'es cu zvati le zdani ge'e  .i le'e zdani cu kumyzda noi galtu galtu sai vi lo tcadu nece'e zo xlatca  .i la xlatca cu lo xlali tcadu  .i roda cu terpa je xebni la xlatca  .iku'i la co'es cu na terpa ja xebni  .i la co'es cu nelci la xlatca

.i ca le cabdei da pe me'e zo evildeas cu darca la xlatca

.i lo nu la evildeas darca cu cfipu la co'es .i cy capyju'i jbikla .ebu. gi'e cusku lu .i do darca fi ma li'u

.i ki'u lo nu .ebu djuno fi la lojban fo lo nu kinzga fo la .ianmisalis. po'o kei kei .ebu se rigni lo nu tirna bau lo jbobau

.i mutce badri .i la co'es kecti .ebu .i cy nitcu lo nu jdice lo du'u ta'i ma kau cy. tavla .ebu

.i cy. cfasanji .i ki'u lo nu .ebu kinzga fo la .ianmisalis. kei .ebu nelci lo nu tirna bau lo tokpona
—
"PA LISRI"

lo bifce goi ko'a cu gelki vofli .i ri klama lo xrula lo xrula .i ca le nu le bifce cu co'a sanli pa xrula .ui ku ko'a viska pa renma .ue noi bevri pa barda tanxe

lu .u'e mutce bevri li'u se peisku ko'a .i lu .i pe'i dukse bevri li'u go'i .i ko'a retpei lo du'u vasru makau .i lu .i .ai mi catlu li'u
ni'o ko'a smaji klama fa'a ry. .i ry. na zgana ko'a

.i ko'a co'u vofli je cu sanli le kerlo be le remna .i ko'a co'a mliba'u do'e le ry kerlo secu'u lu { ko co'u bevri le tanxe fau lo nu do djica lo ka ca'o jmive } li'u .i ry krixa je cu falgau le tanxe noi janli le tumsfe je cu co'a kalri .i sei facki se'u nenri le tanxe fa...

zo bo

fe'o le'o