Subject: Proposta de saída ordenada do FAB Academy
Text:
Ola,

Dado as conversacións que tiven con varios socios, veño a presentar a proposta de retirarnos do FAB Academy despois de acabar este curso, as razóns son as seguintes:

1) Prestación de servizos?

Vendo a información que da o FabAcademy, a verdade é que parece que temos que dar un servizo educativo. Mínimo 20 (horas) de apertura a semana, máquinas a disposición do alumnado, e titorías.

O tema esta ben, pero:

- Quen abre o local 20 horas semanais? Temos horario?
- Que pasa se unha máquina esta rota? Temos obrigación de reparala? Temos prazos?
- Que pasa cos titores? Que pasa se Luís se pon malo? Temos outro titor para remplazalo?

Información:
Titores: https://fabacademy.org/nodes/requirements.html#_2-qualified-staff-to-run-the-course
Horarios: https://fabacademy.org/nodes/requirements.html#_1-3-infrastructure

2) Demasiado compromiso de ano a ano

Isto está totalmente ligado a ter un titor co título de FabAccademy, que pasa se alguén quere tomar a directiva? Que pasa co nodo? Perdese? Igual non está de todo ben que unha directiva tome decisións do que ten que facer a directiva do ano seguinte.

3) Problemas legais?

- Poden consultarse os contratos firmados co FabAccademy?
- Que pasa se alguén denuncia que non recibiu a titoría? Temos un instrutor legal? Canto vai cobrar?
- Que pasa se algún dos alumnos corta unha man? Temos unha prevención de riscos asociados a eses alumnos?
- Contemplan os nosos estatutos este tipo de actividades?
- O alumno con quen firma, con FabAccademy ou coa Industriosa?
- Temos que ter un mentor que cobraría 625$, quen é? Que tipo de acordo teríamos? [0]
- Que pasa se a mediados de marzo, despois de traballar co alumno, o usuario se da de baixa ou non paga? Que cartos recibiriamos? Temos que adiantar cartos os socios para prover este servizo? [1]

[0] https://fabacademy.org/apply/cost-breakdown.html#costs-for-nodes
[1] https://fabacademy.org/nodes/requirements.html#reimbursements

4) Falta de persoas que poidan ser un backup.

Ter un problema de saúde é moi rápido, eu podo demostralo, que pasa se o titor se pon malo? Igual deberíamos ter unha ou duas persoas mais para dar este servizo en caso de que pase algo.

5) Impacto limitado aos socios?

Dar este servizo, que beneficio achega os socios? Que achega ao taller? Cartos?
Igual temos que pensar mais na lonxevidade do proxecto, que acumular cartos por prestar servizos. Os números das últimas axudas públicas creo que son suficientes:

Xunta Anos 23-24: Concesión SB99083619 5000 Euros
Xunta Anos 23-24: Concesión SB99083617 4742 Euros
Concello de Vigo 24: Expediente 21058-77 9469 Euros.

A verdade que as cantidades son grandes, mais as cotas de socios. De verdade necesitamos ter ese compromiso, e o risco que supón, dar eses servizos?

Por outra parte, se ao final, o curso de FabAccademy vale 2.500$ para o nodo central? Que razón hai de que un socio pague os 5000Euros? Non poderían facer os socios o curso pagando so o custe que se lle paga a FabAccademy?

6) Que é un Fablab, cales son os outros nodos?

Mirando os outros nodos, tampouco creo que a Industriosa se identifique moito con eles:

- Fab Lab Barcelona, xa con dicir que é unha Sociedade Limitada, xa nos podemos imaxinar os seus obxectivos.
- FabLab Leon: creado pola fundación de Telice <www.fundaciontma.org> liderada por unha empresa, cos seus obxectivos. Chama atención que se presentan a proxectos europeos tipo
  <https://erasmus-plus.ec.europa.eu/projects/search/details/2022-1-ES01-KA220-ADU-000088960>
- FabLab Cartagena: Iniciativa da universidade de Cartegena.
- FabLab Cuenca: Unha iniciativa que é persoal liderada por Mickael Pitarresi.

Todos parecen que os nodos, non son asociacións como tal. Por suposto, teñen interese social, pero ao final, funcionan como empresas provedoras de servizos.

7) Baixa participación a nivel España

Tampouco parece que sexa algo enorme a nivel de participación, mirando os
números de España dos últimos tres anos:

2024: https://fabacademy.org/2024/people.html
Cartagena: 1 Leon: 2, Barcelona: 15

2023: https://fabacademy.org/2023/people.html
Leon: 1, Deusto: 1

2022: https://fabacademy.org/2023/people.html
Leon: 2, Cartagena: 1, Madrid: 2, Barcelona: 7

Se pensas polo contido e atraer socios, creo que tampouco é algo que vai xerar unha diferencia logarítmica a asociación, dende o meu punto de vista, creo que pode traer mais problemas que cousas boas.

Finalmente, eu dende miña humilde opinión, A Industriosa naceu para colaborar, e ter un sitio onde organizar cousas, se se converte, o que a min me parece, nunha prestadora de servizos como tal, entra no risco de que se converta nun "traballo" para a actual ou vindeiras directivas, entón nese momento ou se profesionaliza dar servizos e ter empregados como tal, ou vai poñer en risco o seu futuro da asociación, como asociación de socios que buscan un ben común.

Como socio, gustaríame que:

1) Se engadira este punto a votación na próxima convocatoria de reunión da Industriosa. Creo que sería bo pensar, que se no 2025 xa está comprometido, quedar, pero non volver a presentarse, ter unha saída ordenada, para non comprometer a reputación persoal da directiva. Eo o mesmo tempo, non comprometer as directivas de ano en ano.

2) A ser posible que a directiva responda a este correo, achegando información sobre os contratos e compromisos actuais con FAB Academy para maior transparencia.

Apertas e feliz ano.