ياهاجسي عطني من اجزل معانيك
وبصير انا  ياهاجسي كاتبلك
واحذر ترى بعض البشر مايقديك
وبعض البشر ينفعك لكن يذلك
ابيك تنخى شخص لو مايحاكيك
ليا سمع بك شي جاء فازعلك
نضيف قلب وبه حميا تخليك
تحب راسه لو مو شايبلك
هذاك سمي الحر و لا فيه تشكيك
هذاك هواللي انا ذاخرلك
قل ياصقر خمسين نعم بطاريك
وخمسين نعم ياصقر في سجلك
فعلت هذي ماتبي منفعت ذيك
ولا انت بفاعلها لاجل حاجتلك
ولا انت براجي من حداالناس يعطيك
مير العلوم الغانمه عادتلك
في المرجله ياصقر كلن يزكيك
حتى الزمن كانه نطق شاهدلك
والله اني احترت مدري شسميك
كل الخصال النادره ينتملك
الطيب كنه شابك ايديه بايديك
ان كان له صاحب فهو صاحبلك