نحكم أناناس العلب ( 460 غرام ) نترك 4 للتزيين و نقطع البقية أطراف صغار ثم نخلطهم مع السيرو الخاص بهم و نرحيهم بالبرا ميكسور ( الخلاط ) ، ثم نزيد معهم الماء حتى نتحصل على نصف لتر ثم نزيد 2 ملاعق كبار نشاء و صفار بيضة و نزيد نخلط بالبرا ميكسور حتى ينسجم الخليط تماما ، ثم نفرغ الخليط في كاسرونة و نحطها فوق النار و نبقى نخلط بدون توقف حتى تعقد الكريمة و لما تغلي نطفي عليها و نزيد مغرف صغيرة زبدة نخلط حتى تذوب ثم نفرغ الكريمة في طبسي ( صحن ) ، و نغطيها بفلم غذائي شفاف يكون ملامس الكريمة و ندخلها الثلاجة حتى تبرد تماما ثم كي تبرد نخلطها بالباتور و نزيد 2 ملاعق كبار بودرة الشونتيي و نكمل نخلط بالباتور و نزيد نصف كأس حليب بارد و نطلعهم بالباتور حتى نتحصل على كريمة خفيفة ، ثم نزيد 2 حبات انانس مقطعة اطراف صغار و نخلط مليح بالمغرف و نفرغ الكريمة في كؤوس التقديم ثم نحكم نصف كأس بودرة الشونتيي نطلعو مليح مع نصف كأس حليب بارد حتى نتحصل على كريمة نحطها في بوش ادوي و نزين بها التحلية و نزيد فوقها قطع انانس و نخليها تبرد مليح قبل التقديم .
شهية طيبة .