Fiktiv Iceland - Syn

Sýn er fjölmiðlafyrirtæki sem rekur Vodafone, Vísir.is, sjónvarpsstöðina Stöð 2 og fylgirásir eins og Stöð 2 Sport og útvarpsstöðvar eins og Bylgjan, FM 957 og X-ið. Árið 2017, keypti það flest það sem fyrirtækið 365 miðlar átti áður.

===
Stöð 2 er íslensk sjónvarpsstöð sem hefur verið starfandi frá því 9. október 1986. Stöðin var stofnuð að frumkvæði Jóns Óttars Ragnarssonar matvælafræðings og Hans Kristjáns Árnasonar hagfræðings. Valgerður Matthíasdóttir (Vala Matt) gekk svo til liðs við þá og var áberandi í útlitshönnun og dagskrárgerð stöðvarinnar frá upphafi. Í dag er Stöð 2 rekin af fyrirtækinu Sýn.

Í stóra BSRB verkfallinu haustið 1984 lagðist nánast öll starfsemi RÚV niður og upp spruttu nokkrar ólöglegar útvarpsstöðvar. Í kjölfarið var farið að huga að endurskoðun útvarpslaga í menntamálaráðherratíð Ragnhildar Helgadóttur. Ný lög, sem leyfðu einkareknar útvarps- og sjónvarpsstöðvar, voru samþykkt á Alþingi 13. júní 1985 og tóku gildi í ársbyrjun 1986. Fram að þeim tíma höfðu verið starfandi á Íslandi tvær útvarpsstöðvar og ein sjónvarpsstöð, Rás 1 og Rás 2 og Ríkissjónvarpið.

Stöð 2 fór í loftið 9. október þetta sama ár sem áskriftarstöð með ruglaðri dagskrá þar sem þurfti að kaupa lykilnúmer og slá inn í myndlykil til að afrugla útsendinguna. Jón Óttar var sjónvarpsstjóri og þau Vala Matt voru áberandi á skjánum þessa fyrstu daga stöðvarinnar. Dagskráin var byggð upp á aðkeyptu afþreyingarefni, leiknu íslensku skemmtiefni og fréttum. Erfiðlega gekk að fá fjárfesta til að taka þátt í starfseminni til að byrja með. Í byrjun árs 1987 voru áskrifendur um fimm þúsund, en voru orðnir tæplega þrjátíu þúsund fyrir árslok. Á sama tíma fjölgaði starfsfólki og stöðin fór í samkeppni við RÚV um dagskrárgerðarfólk og fréttamenn, sem þótti fáheyrt.

Margar systurstöðvar voru starfræktar undir sama fyrirtæki en árið 2008 voru þær allar sameinaðar undir nafn stöðvar 2, þannig varð íþrótta-stöðin Sýn að Stöð 2 Sport. Sirkus varð að Stöð 2 Extra og Fjölvarpið varð að Stöð 2 Fjölvarp aftur á móti hélt Stöð 2 Bíó sínu nafni.

Stöð 2 leggur sérstakan metnað í að bjóða uppá fjölbreytt og framúrskarandi gott innlent dagskrárefni, jafnt leiknar þáttaraðir, skemmtiþætti, lífsstílsþætti, fréttatengda þætti sem barna- og unglingaþætti. Höfuðmarkmiðið þar er að sýna aðeins vandaðasta og skemmtilegasta efnið sem völ er á. Sjónvarpsþætti sem skilja mikið eftir sig. Þætti sem fólk vill sjá. Stöð 2 hefur ætíð rutt brautina í innlendri dagskrárgerð og nægir þar að nefna leiknar þáttaraðir sem notið hafa fádæma vinsælda og sett ný viðmið.

Stöð 2 er áskriftarstöð sem kappkostar að bjóða ætíð uppá vandaðasta og vinsælasta sjónvarpsefni í heimi. Einkunnarorð stöðvarinnar er skemmtilegri og tekur dagskrárstefnan tekur mið af því þar sem markmiðið er fyrst og fremst að bjóða upp á fjölbreyttara og skemmtilegra afþreyingarefni, þætti sem höfða til sem flestra. Stöð 2 sendir út dagskrá allan sólarhringinn og eru allra vinsælustu þættirnir sendir út á kjörtíma milli kl. 20 og 23 á kvöldin. Mikið er lagt uppúr því að bjóða upp á allra vandaðasta barnaefni sem völ er á, jafnt talsett sem textað, alla daga vikunnar, á morgnanna og síðdegis á virkum dögum.

Fréttir Stöðvar 2
Mánudagur - Föstudag: 07:00, 07:30, 08:00, 08:30, 12:00, 16:00, 18:30, 22:30
Laugardag - Sunnudag: 18:30
Fréttastofan hefur ætíð verið í fararbroddi þegar kemur að því að fjalla um krefjandi og ágeng mál sem aðrir fjölmiðlar veigra sér jafnvel við að taka á. Vönduð og traust vinnubrögð eru okkar aðalsmerki.

Ísland í bítið
Mánudagur - Föstudag: 06:58
Fjölbreyttur fréttatengdur dægurmálaþáttur þar sem fjallað er um það sem er efst á baugi hverju sinni í landinu.

Ísland í dag
Mánudagur - Sunnudag: 18:18
Málefni líðandi stundar skoðuð frá ólíkum hliðum, íþróttadeildin flytur okkur nýjustu tíðindi úr heimi íþróttanna og veðurfréttirnar eru á sínum stað.

===
Stöð 2 Bíó er íslensk sjónvarpsstöð starfrækt af Sýn og sendir eingöngu út kvikmyndir. Bíóstöðin hét áður Stöð 2 Bíó og þar áður Bíórásin.

Stöð 2 Bíó er áskriftarstöð sem sendir út erlendar kvikmyndir með íslenskum texta, í bland við íslenskar kvikmyndir. Frumsýnd dagskrá er frá kl. 10.00-05.00 sem síðan endurtekur sig yfir sólarhringinn.

===
Stöð 2 Golf er íslensk sjónvarpstöð sem hefur verið starfandi frá 27. september 2010. Sjónvarpstöðin sýnir eingöngu golf og þá helst: Ryder-bikarinn, Forsetabikarinn, Opna breska meistaramótið, Opna bandaríska mótið, Heimsmótaröðina, Bandaríska mótaröðina, Bvrópska mótaröðina og kvennagolf. Stöðin er iðulega með beinar útsendingar.

===
Stöð 2 Krakkar er íslensk sjónvarpsstöð. Stöð 2 Krakkar býður upp á talsett barnaefni daglega frá morgni til kvölds á sérstakri barnastöð. Krakkabíó alla daga klukkan 19:00. Stöð 2 Krakkar er rekin af Sýn.

===
Stöð 2 Sport, Stöð 2 Sport 2, Stöð 2 Sport 3 og Stöð 2 Sport 4 sýna frá helstu íþróttaviðburðum, innlendum sem erlendum, og eru þeirra vinsælastir enska úrvalsdeildin í fótbolta, Meistaradeildin og Evrópudeild UEFA í fótbolta, enska bikarkeppnin, spænski boltinn, Formúla 1 kappaksturinn, NBA í körfubolta, íslenska úrvalsdeildin og bikarkeppnin í fótbolta, úrvalsdeildin í körfubolta, Sumarmót yngri flokkanna í fótbolta auk fjölda golfmóta, þar á meðal US Masters, boxbardaga og annarra stórviðburða í íþróttum. Stöð 2 Sport, Stöð 2 Sport 2, Stöð 2 Sport 3 og Stöð 2 Sport 4 eru reknar af Sýn.

===
Stöð 2 Gull er íslensk sjónvarpsstöð sem sýnir brot af því besta úr sögu Stöðvar 2. Innlendir þættir úr safni í bland við vinsæla og klassíska erlenda þætti frá Bandaríkjunum, Bretlandi og Danmörku. Stöð 2 Gull er rekin af Sýn.

===
Stöð 3 hóf útsendingar laugardaginn 7. október 2013. Boðið er upp á innlent og erlent sjónvarpsefni þar sem sérstaklega er höfðað til fólks á aldrinum 20 til 35 ára. Stöð 3 er rekin af Sýn.

===
Bravó er íslensk sjónvarpsstöð sem miðar við lýðfræði á aldrinum 14–24 ára. Íslenskir þættir og vinsælt erlent sjónvarpsefni fyrir ungt fólk í bland við vinsælustu tónlistarmyndböndin hverju sinni. Horfa má á Bravó á netinu, bravotv.is, or er í opinni dagskrá í sjónvarpi. Hún er því aðgengileg hverjum þeim sem vill horfa. Bravó er rekin af Sýn.

===
Stöð 2 Vísir er íslensk fréttasjónvarpsstöð sem hóf göngu sína að morgni 18. nóvember 2005 og sendir út fréttir og fréttatengt efni stærstan hluta sólarhringsins. Stöð 2 Vísir nýtir auðlindir fréttastofa Stöðvar 2 og Bylgjunnar og miðlar fréttaefni næstum allan sólarhringinn. Það eru líka þungar fréttaskýringar og umræðuþættir eins og Kompás og Silfur Egils. Stöð 2 Vísir er rekin af Sýn.

===
Bylgjan er íslensk útvarpsstöð sem hóf útsendingar 28. ágúst 1986. Bylgjan er fyrsta löglega einkarekna útvarpsstöðin á Íslandi. Dagskrárgerðarfólk var blanda af reyndu fyrrum starfsfólki Ríkisútvarpsins og fólki sem var nýkomið úr námi.

Bylgjan er elsta og vinsælasta einkarekna útvarpsstöð landsins. Hún var stofnuð árið 1986 og sinnir öflugri dagskrárgerð með vinsælli íslenskri og erlendri tónlist, dægurmálaþáttum, fréttum og fróðleik. Bylgjan er á fm 98,9 á höfuðborgarsvæðinu og fjölmörgum sendum um land allt og nær til um 99% landsmanna.

===
FM957 er íslensk útvarpsstöð. Hún er í eigu Sýn. Hún er fjórða vinsælasta útvarpsstöð landsins með 29,6% uppsafnaða hlustun yfir vikuna. Rikki G er dagskrárstjóri hennar. FM957 leikur vinsælustu tónlistina og höfðar til fólks á aldrinum 12 – 35 ára.

===
X-ið 977 er íslensk útvarpsstöð. Hún er í eigu Sýn. X-ið 977 leggur höfuðáherslu á framsækna tónlist og býður upp á fjölbreytta sérþætti um tónlist.

===
Létt Bylgjan er íslensk útvarpsstöð. Hún er í eigu Sýn. Létt Bylgjan er á fm 96,7 og leikur þægilega og áheyrilega tónlist.

===
Gull Bylgjan er íslensk útvarpsstöð. Hún er í eigu Sýn. Gull Bylgjan er á fm 90,9 og leikur tónlist frá 7. og 8. áratug síðustu aldar og við því má bæta að Gull Bylgjan útvarpar einnig Bylgjufréttum.

===
Vísir eða visir.is er íslensk fréttasíða í eigu Sýnar. Vísir var stofnaður 1. apríl árið 1998. Á vefnum má finna efni frá ýmsum öðrum miðlum Sýnar, t.a.m. Stöð 2, Stöð 2 Sport, Bylgjunni, FM957 og X977. Vefurinn rekur einnig fréttastofu.