كالو ورديت

كالوا راح منك كام ينساك
كلتلهم وفي ومايوم ينساني
كالوا ما يريدك راح للغير
كلتلهم أبد ما فكر بثاني
كالوا كافي بأسمه تكتب أشعار
كلتلهم على أسمه عاكد اللساني
كالوا مو شماته أكلوبنه أعليك
كلتلهم شماته أتشفوا بأحزاني
كالوا راح يكتلك طول ألفراك
كلتلهم فدوه أموت وهو ه دفاني
كالوا كافي عمي بطل وتوب
كلتلهم راح أضل الشوفته أمتاني
كالوا حجه عنك حجي أشكال
كلتلهم يحن كلبه يريد يلكاني
كالوا غربه راح أتعيش للدوم
كلتلهم دفو صدره يصير عنواني
كالوا هذا مو حب أنته مجنون
كلتلهم سجن كلبي وصار سجاني