قصيدة ياقلبك الخواف سبب كتابة بدر بن عبدالمحسن لها

القصيده للفريد في روعته .. بدر بن عبد المحسن





هذي القصه يقول احدهم:
كنت كل ما اشوف هالانسان اقوله بيني وبينه وشلون قلبك (( الخواف )) ...!
كان دايم يرد علي:
نحن السابقون وانتم اللاحقون...!
اليوم ذكرته بالسالفه ...!
قال:
تصدق على ان لها 22 سنة الا اني مستحيل انساها واذكر تفاصيلها ...!
سنة 1985 كنت ايامها ادرس في امريكا ولي سنتين ما طلعت من امريكا وقررت وقتها اروح اشوف الاهل في جينيف...!
ما كنت اتصور ولا اتخيل اني باشوفها هناك لان كل اخبارها بعد زواجها انقطعت عني وانا انشغلت بدراستي ...!
يومها رحت لجينيف وانا مشتاق اشوف الاهل هناك...!
لكن من ثالث يوم وصلت الا وتلمح عيوني زولها اللي ما غاب عني طول ايام غربتي...!
وقفت في مكاني وتمنيت ان الزمن يشاركني الوقوف...!!
حاولت ابتسم حاولت اقرب منها واسلم عليها لكني خفت ...!!
لقيتها تبتسم لي...!
تشجعت اقرب منها بس تذكرت انها صارت مثل السراب لي وانا العطشان...!!
وقتها ما عرفت وش اسوي اكلمها بس اخاف ان زوجها موجود معها لقيت اختها تجيها ويمشون وتلتفت لي بنظرة فيها وله وشوق...!!
بعدها بيومين وانا راجع الى الاوتيل لقيت رسالة من الرسبشين وكانت منها تقول انتظرني الساعه 2 صباحا راح اكلمك...!!!
وقتها فرحت وبنفس الوقت خفت اكثر ما ادري وش بقول ولا وش صار لها ولا وش تبي تقول...!!
مرت علي الساعات كنها سنين وانا انتظر رنة اتصالها...!
اول ما سمعت صوتها قلت لها وحشتيني...!
ردت علي وقالت تدري انك ما غبت عني لحظة وحده...!
تكلمنا كثير وبكينا وضحكنا وقالت لي انها شبه منفصله عن زوجها وانها تعبت كثير معه حيث انها لا تشعر له بأي مشاعر وغصبا عنها تصبر وترضى بقدرها كيف وهي صارت ام الان...!!
اهم شيء وقتها طلبت مني انها تشوفني...!
حاولت اتعذر وابرر لها ان هذا الشيء ماينفع خلاص ولا راح يفيدنا بالعكس راح يتعبنا اكثر...!
لقيتها تقول (( عطني من ايامك نهار وباقي العمر للي تبي ))...!
خلاص قلت لها اشوفك بعد بكره...!
ويوم قفلت السماعه منها وانا اتذكر اول مره سمعت صوتها واتذكر احلى ايام عمري و اول شبابي...!
واذكر ايام انكساري معها وحرماني منها ...!
واذكر رحلتي لامريكا وذهابي الى ابعد مكان عنها عشان انسى اللي صار واتحسب على اللي ابعدني عنها وعن الظروف اللي حرمتنا من بعض...!!!
ويوم قرب الموعد لقيت قلبي (( الخواف )) يقلب علي المواجع ويقول لي البعد احسن لك من انك تعيش فرحة مزيفه وتاخذ مكان غيرك وترجع منكسر ثاني...!!
وقتها وقفت بي خطاي عنها وما رحت ...!
وفي الليل كلمتني تعاتبني قلت لها ما قدرت خفت وكرهت اشوفك واجلس معك وانتي خلاص صرتي لاحد غيري...!!


بعدها بكم يوم شفت بدر بن عبدالمحسن وكان تربطني به صداقه على انه اكبر مني ...!
قلت له وقتها القصة كلها والاحداث وش قلت وش قالت لي...!
لقيته يقول لي يا قلبك (( الخواف ))...!
بعدها بيومين تعشيت مع البدر سوا ورحنا نحضر حفلة محمد عبده وغنى يومها لاول مرة اغنيته الشهيرة (( المعازيم ))...!
كنت اسمع محمد عبدة يقول (( محبوبتي معزومة من ضمن المعازيم )) كنت اتلفت في الحفلة يمكن تكون موجودة...!!!
وبعد الحفل لقيت البدر يتكلم عن الاغنية انها رائعه و وافقته الرأي...!
قال لي انت يا (( الخواف )) كتبت قصيدة عنك...!
لقيت البدر يعطيني ورقه من اوراق البوريفاج مكتوب في اولها...!!!
(( لا تسرق الوقت من غيري .... انا مابي زمن غيري ))...!!
لقيت نفسي وعمري واحلي ايامي في قصيدة...!


يقول البدر




لا تسرق الوقت من غيري...!
انا ما ابي زمن غيري...!

لا تسرق العمر يا طيري...!!
مدام قلبك لاحد غيري...!!

عطني من ايامك نهار ... وباقي العمر للي تبي..!
مابه فرح يا معذبي ... وانت لاحد غيري...!!

ناظر وعدنا طاف ... في اللي درا ومن شاف...!!
يا قلبك الخواف .......... يا قلبك الخواف...!!!

يا صاحبي الخوف ... ما يطمن الخوف...!!
لا تلمس الجوف لا لا ...!
لا تلمس الجوف ...!
وانت ايدينك بارده ...!
والفرقا دايم وارده...!
إنت وانا بنفس الطريق بس الخُطا متباعده...!

لا تسرق الوقت .... يا اجمل الوقت...!
تكذب علي واكذب عليك .... وألقى الدفا برعشة ايديك...!
نقضي العمر .. كل العمر ...!
نحلم بلحظة شاردة...!!!



راقت لي كتير

وماعندي تعليق يليق برووعة القصيده وروعة البدر باحاسيسه

وزي ماقال
لا تسرق الوقت من غيري .... انا مابي زمن غيري


سلامي لارواحكم..




هذه الرسالة و مرفقاتها (إن وجدت) تمثل وثيقة سرية قد تحتوي على معلومات تتمتع بحماية وحصانة قانونية. إذا لم تكن الشخص المعني بهذه الرسالة يجب عليك تنبيه المُرسل بخطأ وصولها إليك، و حذف الرسالة و مرفقاتها (إن وجدت) من الحاسب الآلي الخاص بك. ولا يجوز لك نسخ هذه الرسالة أو مرفقاتها (إن وجدت) أو أي جزئ منها، أو البوح بمحتوياتها لأي شخص أو استعمالها لأي غرض. علماً بأن الإفادات و الآراء التي تحويها هذه الرسالة تعبر فقط عن رأي المُرسل و ليس بالضرورة رأي هيئة السوق المالية، ولا تتحمل هيئة السوق المالية أي مسئولية عن الأضرار الناتجة عن أي فيروسات قد يحملها هذ البريد.

Disclaimer: This message and its attachment, if any, are confidential and may contain legally privileged information. If you are not the intended recipient, please contact the sender immediately and delete this message and its attachment, if any, from your system. You should not copy this message or disclose its contents to any other person or use it for any purpose. Statements and opinions expressed in this e-mail are those of the sender, and do not necessarily reflect those of Capital Market Authority (CMA). CMA accepts no liability for damage caused by any virus transmitted by this email.