يعني من قلّ المصايب صاب هـذا الصـدر ضيـق
ولاّ يعـنـي مــن حــلاة الـحــظ وعْـلــوّ المـكـانـه

ذي حياتي من مضيقٍ .. في مضيقٍ .. في مضيق
ولـو بحثـت الصبـر فينـي مـا أجـد للصبـر خانـه

عادتي .. لا ضقت ادوّر حضـن وعيـون الحبيب
والمشكله لاصارت ضيقـي منـه وأحزانـي عشانـه

يوم قالت : أسمح لي برجـع وأنت كمل هالطريق
لازم تـقـدّر .. وتنـسـى .. ننتـهـي كــل ٍ وشـانــه

قلت: صبـرك .. يرحـم الله والدينـك .. مـا أطيـق
ماني ناقص فوق جرح اقدارنـا .. جـرح ثـانـي

حاجتـي لـك حـاجـة الأيـتـام .. وايـديـن الغـريـق طالبك طلبه  ترانـي أعشقـك .. صُـون الأمانـه

وراح مــا كـنّـه سمعـنـي والتـفـت لـفـتـة طـلـيـق
وقـال: أخيـراً مـا بغينـا .. وللفـراق اطلـق عنانـه

عنـدهـا أدركــت فـعــلاً قـيـمـة الـحــب العـتـيـق
وقلـت: هـذي آخرتهـا .. مـا تـجـاوزت امتحـانـه