باقي الرواية🌚

يتبع
[١٥/٨ ٢٠:٣٨] توتة: الجن العاشق الحلقة السادسة :-
بقلم : تهاني محي الدين
سارة تتخيل خالد معاها و تطلع من الحمام مبسوطة و تمشي غرفتها و خالد يتصل عليها
خالد : سرو كيفك
سارة : ☺ تمام
خالد : حمام الهناء
سارة : تسلم لي لكن عرفت كيف اني كنت في الحمام
خالد : حسيت بي كدة ، اتذكرتيني
سارة : تستغرب و تخجل في نفس الوقت ، ما عارفة اقول شنو لكن انت ما قاعد تغيب عن بالي
خالد : و انتي كمان
سارة : انا حاسة كأني بعرفك من زمان و حاسة كأنك معاي في البيت ، صورتك ما عايزة تفارقني و بكون مبسوطة مع اني عرفتك قريب
خالد : القلوب عن بعضيها و عايزة الصدق انا حبيبتك بالجد و عايزك لي بس
سارة : 🙈🙈🙈🙈🙈 بالجد حبيتني ☺
خالد : اي حبيتك
سارة : احلف
خالد : وحياتك عندي حبيتك
سارة : احلف لي بالله
خالد : تيت تيت تيت تيت
و الخط يفصل
سارة : بسم الله الرحمن الرحيم ، مالو قفل الخط فجاءة و تقوم ترجع ليهو
خالد : الو سرويتي
سارة : مالك قفلت الخط
خالد : بس الرصيد قطع
سارة : ايوا
خالد : عايزك تتاكدي اني بحبك انتي بس و ما عايز غيرك
سارة : 😍 عايز الصدق انا كمان معجبة بيك جدا
خالد : اعجاب يعني ما حب
سارة : ههههههه ما عارفة ، لكن شعور اول مرة احسو ، يمكن حب ما معروف ، عموما لمن اتاكد بوريك هههههه
خالد : و انا ما مستعجل
سارة: عن اذنك طالعة برا لامي و جاية
خالد : اتفضلي حبيبتي
سارة تمشي لامها و تساعدها و تعمل معاها الغداء و بنشاط اكتر
سارة : ما شفتي يا امي
ماريا : شفت شنو
سارة : نسيت ما حكيت ليك انو جمال الكلب لاقني قبل اسبوع و قال بعتذر و عايز يصلح غلطو
ماريا : عيب يا سارة تنبذي الراجل و شنو كلب دي
سارة : دا اكبر حيوان ، انتي براك عارفة احرجني كيف لمن جانا 😡
ماريا : اهو اعتذر ليك ،، اقبلي اعتذارو و ما تخلي قلبك اسود
سارة :منو دي ،، مستحيييل اوافق بيهو لو بقى اخر راجل ، و انا بكرة بجيب سيد سيدو المعفن
ماريا : الله يسترك يا بتي
سارة تتغدا و تمشي غرفتا و تتونس مع خالد طول الليل و الصباح تلاقيهو و يمشي يوصلها للجامعة
و استمرت مع خالد قرابة الشهر و بقت متعلقة بيهو جدا جدا لكن بقت تفكر فيهو كتيير و بقت منعزلة عن اسرتها و تميل للعزلة و تتخيل خالد طوالي معاها و يوم خميس خالد اتصل
سارة : الو خلودي
خالد : قولي حبيبي
سارة : خلاص حبيبي لاني بالجد بقيت احبك
خالد :  😍 دا اسعد يوم في حياتي
سارة : انا اول مرة احب كدة ، ما اظن اقدر اعيش من غيرك
خالد : انا كمان يا حبي ما بقدر انو يعدي يوم و ما اشوفك و بكرة الجمعة لازم اشوفك
سارة : ما بقدر يا خالد
خالد : ليه يا حبيبتي
سارة : بكرة يوم الاجازة و بكون عندي شغل في البيت كتير
خالد : طيب نزلي ايمو في تلفونك
سارة : تلفوني ما بنزل الايمو ، نوكيا عادي
خالد : طيب انا حاجيب ليك تلفون هسي
سارة : لا ما عايزة تلفون و كمان هسي كيف ، الدنيا ليل و اخواني برا في السور
خالد : ما تخافي ، انا بجيبو ليك من غير يشوفوني و عشانك انا ممكن اعمل المستحيل
سارة : خالد بطل جن
خالد : خالد مجنون بيك ، بعد تلت ساعة بجيبو ليك تمام
سارة : تمام
سارة قلقانة و تقول الله يستر و ما يشوفوهو اخواني و فعلا بعد تلت ساعة خالد يدق ليها شباك غرفتها
سارة : وصلت هنا كيف
خالد : ما مهم ، بس عشانك انا اعمل المستحيل زي ما قلت ليك
سارة : بحبك يا مجنون
خالد : و انا بعشقك ، اتفضلي التلفون و نزلت ليك الايمو فيهو كمان
سارة : s7 عديل كدة ، ليه مكلف روحك كدة ، التلفون دا غالي شديد
خالد : بترينة كاملة ما تغلى عليك و لو عايزة بترينة بجيبها ليك هسي
سارة : تخجل و تقول : انت مبالغة
خالد : انا عشان بحبك ممكن اعمل اي حاجة و اتاكدي اني ما حاخليك و حتكوني لي
سارة : بحبببك شديد ، يلا امشي قبل زول يشوفك
خالد : حاضر يا حبي ، انا ضبطت النت كمان برجع ليك بعد خمسة دقايق
سارة :: اوكي حبي
سارة مبسوطة بي حب خالد ليها و تمسكو بيها الشديد و فعلا يتصل عليها بعد خمسة دقايق و تقعد تتكلم معاهو صوت و صورة و بعداك تقفل و تودعو عشان تنوم
و اثناء نومها حست انو خالد معاها و بحضنها و فعلا لمن صحت الصباح لقت نفسها انو ما متغطية مع انو الدنيا شتاء و الجو بارد و لقت البطانية في الارض
يتبع
[١٥/٨ ٢٠:٣٨] توتة: الجن العاشق الحلقة السابعة :-
بقلم : تهاني محي الدين
سارة تستغرب و تقول : مالي انا بقيت بحلم بي خالد كتيير دا ، هل انا بحبو للدرجة دي !! ، طوالي بحسو معاي و حتى بحس بي نفسو في الغرفة معاي ، شكلي بحبو شديد
تقوم من النوم و تمشي و تلبس و تطلع على الجامعة و يلاقيها خالد و يوصلها للجامعة و تودعو و تدخل الجامعة و تمشي قاعتها
سارة : منال ازيك ، شوفي خلودي جاب لي شنو
منال : وااااااو رهيييب ، s7 عديل ، دا غالي شديد يمكن اكتر من 8 مليون
سارة : قال لي ما يغلى عليك و لو عايزة بترينة بجيبها ليك 😍😍😍😍
منال : مباااالغة ، حظك والله يا سارة ، قلتي شاب صغير و غني كمان محظوظة والله
سارة : ما شفتي هو بحبني كيف ، انا عمري مافي زول حباني كدة زي حبو دا
منال : اكييد طبعا بحبك ، لو ما بحبك ما بجيب ليك تلفون زي دا ههههه
سارة : كمان انا بحبو والله ، بحسو معاي طول اليوم
منال : الله يخليكم لبعض ، لازم تعملو خطوة جادة خطوبة او اي حاجة
سارة : اي عن قريب ان شاء الله
منال : هو فاتحتك في الموضوع
سارة : لا ما قال لي عايز اخطبك ، لكن هو بحبني و متاكدة من حبو و قال لي انتي حتكوني لي بس و ما حتكوني لزول غيري
منال : طيب فاتحيهو في موضوع الزواج
سارة : حانتظرو لحدي يقولها لي براهو
منال : خالد ما عندو صاحب او اخو ، تديني ليهو ههههه
سارة : بسالو ليك خلاص هههههه
منال ::تكوني ما قصرتي والله ، لكن لهسي ما حصل لي الشرف و شوفتو
سارة : ما تستعجلي ، حتشوفيهو قريب
فجاءة خالد يتصل
سارة : دا خالد متصل
منال : طيب ردي
سارة : الو حبي
خالد : سرويتي مشتاق ليك
سارة : انا كمان مشتاقة ليك كتيير
خالد : قاعدين تقطعو فيني لشنو
سارة : 😳 عرفت كيف !!
خالد : انتي مش مع صحباتك
سارة : اي مع صحبتي منال
خالد : انتو البنات كدة اصلا ، جنكم شمارات و حسيت انو بتكونو بتقطعو فيني هههههه
سارة : ههههههه اي كنا في سيرتك
خالد : عشان كدة انا من قبيل ماسكاني الزوغطة هههههه
سارة : هههه بطل جن
خالد : مجنون بيك بس انتي
سارة : انت من دخلت حياتي شغلتني ، و هسي امتحاناتي قربت و ما قارية حاجة
خالد : ما تخافي انا حاراجع ليك
سارة : انت بتعرف موادنا
خالد : انا ما وريتك اني قاري علوم حاسوب كمان
سارة : وااااو رهييب
خالد : طيب انا حاشرح ليك تمام
سارة : تسلم لي كتييير و تقفل الخط
منال : قال شنو
سارة : قال حيشرح لي
منال : اتاريك السقطتي هههههه
سارة : مالو يعني حاجة جديدة السقوط هههههه
منال : مجنونة هههه
بعداك اي واحدة تمشي بيتهم
فعلا تجي الامتحانات و خالد كل يوم يراجع مع سارة و يديها حاجات معينة تركز تقراها و سارة لمن تدخل الامتحان بتلقى نفس الحاجات القالها ليها خالد و بتتفاجاءة و تحلها كلها و تطلع مبسوطة من الامتحان
منال : اشتغلتي كيف يا سارة
سارة : مبسوووطة ، كل الحاجات القراني ليها خالد جات
منال : هههههه و الله شرحكم دا انا متاكدة بتكونو مقضينو سرح ما شرح هههههه
سارة ::لا والله شرح
منال : بظهر في النتيجة هههههه
سارة : كويس يا شينة
تعدي كل الامتحانات و سارة تجاوب على كل الاسئلة .
بعد الامتحانات ادوهم اجازة 3 اسابيع و سارة في بيتهم بقت انطوائية جدا و بتحب الظلام و بتحب تقعد براها و طول اليوم مع خالد اما في التلفون او الايمو او في الحقيقة حتى في نومها بتحسو معاها و كانت طوالي رغبتها الجنسية عالية و ناس بيتهم شايفنها اتغيرت ما زي زمان
بعد شهر من الامتحانات ظهرت النتيجة و سارة كانت في محاضرة و طلعت النتيجة و لقت نفسها اولة الدفعة لاول مرة بعد ما كانت بتجيب النجاح باعجوبة و كل الدفعة اتفاءجات بالنتيجة دي
يتبع
[١٥/٨ ٢٠:٣٩] توتة: الجن العاشق الحلقة الثامنة :-
بقلم : تهاني محي الدين
منال : كيف يا سارة جيتي اولة الدفعة
سارة : انا كمان مستغربة زيك ، انا كنت متاكدة اني حاجيب معدل كويس لكن ما لدرجة اجي الاولى ، الحمدلله
منال : الف مبروك والله لكن عملتيها كيف دي
سارة : مش قلت ليك دا كلو من شرح خالد لي
منال : يعني انتي جادة في كلامك كنتي انو خالد كان بشرح ليك
سارة : جادة والله يا منال ،،هو كان بشرح لي و بقول لي ركزي في الحاجات دي حتجي و فعلا بلقاها في الامتحان
منال : و هو عرف كيف انو الحاجات دي جاية في الامتحان
سارة : هو بقول انا حاسي انو الحاجة دي حتجي
منال :: سبحان الله ، اما زولك بركة او عفريت هههههههه
سارة : عفريت في عينك
منال : ههههه يا ريتني لو جيت عشان تشرحو لي معاكم
سارة : مش قلتي دا سرح هههههه ما شرح
منال :: طلعت البسرح انا ههههه
سارة : انا حأتصل لي امي اوريها حتتفاجاءة طبعا
منال : امك براها ههههههه ، الدفعة كلها اتفاجاءت هههههه
سارة : طيب اسكتي خليني افرحها
سارة تتصل على امها
ماريا : الو سارة ، اها طمني النتيجة كيف ، ان شاء الله ما شايلة مادة المرة دي
سارة : انا جيت اولة الدفعة يا امي
ماريا : 😳😳اولة شنو ، بطلي هظار و وريني شلتي كم مادة 😏
سارة : والله جادة معاكي يا امي ،،انا جيت اولة الدفعة المرة دي
ماريا : سبحان الله مغير الاحوال ، انا اقول قعدتك قلت معانا ليه لانك كنتي بتقعدي في غرفتك كتير ، اتاريك بتقري ، الف الف مبرووووك يا بتي 😍
سارة : الله يبارك فيك يا امي
ماريا : انا حاسة اني بحلم و تبكي
سارة : ما تبكي يا امي ، دا نجاح
ماريا : دي دموع الفرحة
سارة : طيب اتصلي على ابوي وريهو
ماريا : اي بوريهو ، حيفرح جدا ، و الحمد لله ربنا هداكي للقراية و ان شاء الله يهديك للصلاة يا بتي
سارة : اميين يارب
سارة تقفل الخط و ماريا تتصل على محجوب و وتوريهو و محجوب يفرح جدا و يجيب بارد كتيير للبيت و يتصل على اخوات و اخوان سارة عشان يجو يحتفلو سوا
سارة تتكلم مع منال
سارة : خالد حيفرح كتيير طبعا ، انا لازم اتصل اوريهو
منال : اي وريهو
سارة تتصل على خالد
خالد : الو سرويتي
سارة : حبيبي بارك لي
خالد : مبروك ليك اول الدفعة
سارة : عرفت كيف
خالد : بطريقتي عرفت
سارة :عارف من متين
خالد : من اجازوها انا عارف
سارة : 😏😏 ليه ما وريتني يا غياظ
خالد : عايز تتفاجي مع زملائك ، ما حبيت اكسر المفاجاءة
سارة : مجنون
خالد : ههههه مجنونك انا ،، انا برا منتظرك
سارة : طيب طالعة و تقفل الخط
منال : زولك دا عجيب ، كمان عارف النتيجة قبل تطلع
سارة : مش قلت ليك رووعة ، بهتم بكل تفاصيلي و اي حاجة بتخصني
منال : ما عارفة والله يا سارة لكن قلبي انقبض
سارة : ليه في شنو
منال : زولك دا يحيير بالجد
سارة :: ما تحتاري و لا حاجة ، يلا ماشة عشان ما اتاخر عليهو ، باااي و تمشي
منال : اقيفي يا سارة
سارة تمشي و ما تسمعها و منال تقرر تمشي وراها عشان تشوف خالد دا البعرف كل حاجة دا
سارة تطلع برا الجامعة و تشوف خالد و تسلم عليهو و تقيف معاهو حبة و تتونس و تضحك معاهو
منال تطلع و راها و تلقى سارة ........
يتبع
[١٥/٨ ٢٠:٣٩] توتة: الجن العاشق الحلقة التاسعة:-
بقلم :- تهاني محي الدين
منال تطلع برا و تلقى سارة بتتكلم براها و تتبسم كأنو معاها زول و هي ما شايفة اي زول واقف معاها
منال : بسم الله الرحمن الرحيم ،، سارة دي جنت و لا شنو !! ، بتتكلم براها كدة ، وينو خالد دا كمان ، الموضوع دا ما بطمن و انا لازم اتصل عليها
منال تطلع تلفونها و تلقى موبايلها قافل شحن
منال : بسم الله متين قفل التلفون ، كانت البطارية فل
و تعاين لسارة تلقاها مشت و تقول : طيب بوريها بكرة لمن تجي الجامعة
سارة مع خالد في العربية
سارة : بالجد انت يا خالد غيرت فيني كتييير
خالد : غيرت فيك كيف حبي ههههه
سارة : اولا بقيت شاطرة شديد و كمان حبك لي كتييير و انا عمري مافي زول حباني كدة
خالد : انتي زولتي و حتكوني لي للابد و مافي زول حياخدك غيري
سارة : كمان انا عايزة اعترف ليك ، انا كنت زولة مستهترة و ما بصلي و حتى الصوم ما كنت بقضي خالص و لا بتحصن لكن تاني اوعدك اني حاصلي و اصوم و اتحصن عشان تكون معاي طوالي
خالد يوقف العربية فجاءة و يقول ليها بلهجة فيها حدة : لو عايزاني معاكي اوعي تصلي او تتحصني
سارة : دا كلام شنو دا ، بطل الهظار البايخ دا يا خالد
و في اللحظة دي تلفون سارة يضرب و تلقاهو ابوها و خالد يدور العربية و سارة ترد
سارة : ابوي 😍 ، امي ورتك
محجوب : اي ورتني و الف مبروووك ليك ، ما عارفة فرحتيني كيف ، انتي وين هسي
سارة: انا قربت على البيت
محجوب : تمام ، تصلي بالسلامة لانو كلنا منتظرنك عشان نحتفل بيك
سارة : خمسة دقايق بالكتير بكون معاكم
محجوب : كويس
سارة تصل و تنزل من العربية و تودع خالد و في السكة تفكر في كلام خالد انو ما تصلي و تقول في نفسها : اكيد عايز يختبر ايماني ، غياظ خلاص 😏
و تصل البيت و امها و ابوها يفرحو بيها جدا و تلقى اخواتها و اخوانها عاملين تورتة و منتظرنها
و تتحفل الاسرة مع بعض و البيت يجووط بسبب الشفع و يتوسخ
سارة تقوم تنضف البيت براها و بنشاط غريب كأنو في زول بساعد فيها و حتى ناس بيتهم استغربو
ماريا : ما شاء الله يا بتي ، شغل تلاتة انفار بشتغلو في ساعة عملتي في تلت ساعة
سارة : هههههه دا شغل ساهل
ماريا : بالجد اتغيرتي كتييير يا سارة ، الله يحفظك
سارة : الله يخليك لي يارب
و اخوات سارة يرجعو بيوتهم و اخوانها المتزوجين يرجعو بيوتهم كمان و الما متزوجين يمشو النادي و سارة تمشي غرفتها
و لمن تدخل الغرفة بتحس انو نفس خالد معاها و بتحس انها محتاجة ليهو و تهيج شهوتها
بتقوم تمشي تنوم و تكسل من الصلاة
و اثناء نومها تحتلم بي خالد و تحس كانو بجامعها جماع كامل و هي كانت مستمتعة في الحلم معاهو و ما صحت الا على صوت اذان الصبح و لقت نفسها بالجد احتلمت و من غير ملابس و خافت لانو حست بكل مراحل الجماع و خافت انو تكون فقدت عذريتها لكن لقت انو مافي دم نزل منها و اطمنت
بقت تقول في نفسها انا لي بقيت احس كدة و طوالي مثارة و من القلع لي ملابسي و ليه بحس انو خالد معاي انا لازم اتزوجو عشان الخيالات دي حتجنني اكيييد و انا حفاتحو في موضوع الزواج ، لكن انا لازم اتغير اول عشان استاهلو و اصلي و عشان خالد يكون لي و ربنا يحفظو لي و انا عايزة ابقى زولة صالحة ليهو
و تقوم من السرير و تمشي الحمام و لاول مرة تستعيذ قبل تدخل الحمام و حاسة انو في حاجة بتمعنها تستعيذ لكن استعاذت و تدخل الحمام و تغستل و تتوضا
و امها لمن شافتها بتتوضا في الواضيات اتبسطت جدا لانو سارة اول مرة تقوم لصلاة الصبح حاضر
ماريا : ما شاء الله يا سارة ، انا اسعد انسانة اليوم
سارة : انا اتغيرت يا امي و الفضل برجع لخالد
ماريا : خالد منو !!!
سارة : بحكي ليك بعدين بعد اصلي ، بجيك في المطبخ نعمل الشاي سوا
ماريا : تمام
سارة اتوضت و دخلت غرفتها مشت وقفت في المصلاية و عايزة تقرا
لقت انو هي ناسية السور و ما متذكرة و لا سورة كويس و اثناء هي في المصلاية في حاجة خبطتها قوووي في راسها وسارة وقعت في الارض
يتبع
[١٥/٨ ٢٠:٣٩] توتة: الجن العاشق الحلقة العاشرة :-
بقلم تهاني محي الدين
ماريا في المطبخ بتعمل في الشاي و منتظرة سارة و لمن سارة اتاخرت ماريا مشت ليها في الغرفة و لقت سارة واقعة
ماريا : بقت تكورك ، سارة سارة ، قومي يا بتي في شنو
سارة ما فاقت و ماريا جرت جابت موية و صحتها بيها
ماريا : الحصل شنو ، في شنو
سارة بصوت تعبان : راسي لافي حبة
ماريا : قومي اوديك الدكتور
سارة : لا ما بحتاج يا امي بس عايزة ارتاح حبة، شكلو هبوط
ماريا : طيب قومي ارقدي في السرير و انا حاعمل ليك حاجة تشربيها
ماريا تقوم سارة و ترقدها في السرير و تمشي المطبخ
سارة تشيل المصحف عشان تقرا و ما تشوف الايات كويس و تحسها كأنها نمل نمل و بقت تكورك باعلى صوت
ماريا لمن سمعت الصراخ جات جارية
ماريا : في شنو يا سارة
سارة : انا ما قادرة اقرا القران و ما شايفة الايات
ماريا: قومي البسي هسي اوديك الدكتور
ماريا تجري تكلم محجوب و محجوب يطلع برا عشان يشوف امجاد و يلقى عاصم بعربيتو و يكلمو
محجوب : سلام عاصم ، الحمد لله لقيتك يا ولدي
عاصم : و عليكم السلام ، في شنو يا عم محجوب، مالك مخلوع كدة
محجوب : سارة بتي تعبت و وقعت و عايز اوديها المستشفى
عاصم : لا حول و لا قوة الا بالله ، طيب طلعها انا بوديكم
محجوب ينادي ماريا و ماريا كانت بتلبس سارة
سارة تقول لي امها: شيلي التلفون
امها تلقى التلفون سمح و تسالها : جبتي التلفون دا من وين شكلو غالي
سارة : جابو لي خالد ، بوريك بعدين هسي ما قادرة اتكلم
محجوب يجيهم
و يطلعو يركبو و يودوها المستشفى و ماريا تقرا لسارة القران و سارة تتضايق اكتر طول ما امها تقرا القران
و يصلو المستشفى و يقولو عندها هبوووط بس
منال تنتظر سارة في الجامعة و سارة ما تجي ومنال تقلق عليها و تتصل على سارة و ترد ليها ماريا
ماريا : الو
منال : اهلين سارة مالك ما جيتي
ماريا : انا امها ، سارة في المستشفى تعبانة
منال : 😳 لا حول و لا قوة الا بالله ، اي مستشفى انا جاياكم حالا
ماريا توري منال المستشفى و منال تجييها
محجوب و عاصم يمشو للدكتور و منال و ماريا يقعدو ما سارة و سارة تحكي لمنال الحصل
منال : لا حول و لا قوة الا بالله ، انا كنت حاسة
سارة : حاسة بشنو
منال : انو خالد دا ما طبيعي
سارة: و خالد الدخلو شنو 😳
منال : بصراحة امس انا مشيت وراك عشان اشوفو و لمن طلعت لقيتك بتتكلمي براكي
سارة : دا كلام شنو دا 😳
ماريا : فهموني الحاصل في شنو
سارة تحكي لامها كل حاجة عن خالد
ماريا : لا حول و لا قوة الا بالله ، الخوف يكون جن و لابسك
سارة :تنهار و تنصدم في نفس الوقت ، جن شنو يا امي دا ما جن و انا حاثبت ليكم ، شوفو التلفون دا هو جابو لي ، كيف يكون جني و كمان عربيتو انا ركبت فيها و كنت بشوفو و بسلم عليهو في يدو و انا حاتصل عليهو هسي و اثبت ليكم انو بشر و حيجي المستشفى تشوفوهو
سارة تتصل على خالد و تفتح الاسبيكر
سارة : الو
خالد :يكورك و يقول انا مش قلت ليك لو عايزاني معاك اوعي تصلي ، ليه مشيتي تصلي 👹👺
يتبع
[١٥/٨ ٢٠:٤٠] توتة: الجن العاشق الحلقة 11 :-
بقلم :- تهاني محي الدين
سارة اتخلعت و رمت التلفون و بقت تكورك و منال شغالة تقرا ليها قران و سارة تضايق اكتر
ماريا مشت كلمت محجوب انو سارة ملبوسة بي جن
محجوب : كيف بتي ملبوسة
ماريا : الظاهر كدة انو ممسوسة بي جني و تبكي ماريا
محجوب : لا حول و لا قوة الا بالله
ماريا : انا حتصل لي سعاد جارتنا لانو بتعرف ليها شيخ كويس
محجوب : كويس عشان تتعالج و ان شاء الله تتعالج
ماريا تتصل على سعاد جارتهم و سعاد تقول ليها
سعاد : اجي يا بت امي جن عديل ، ما تخافي طلبك عندي
ماريا : الله يخليك لي يا سعاد
سعاد : طيب اطلعو و تعالي لي البيت عشان نمشي طوالي
ماريا : كويس و تقفل الخط
ماريا : نحن حنطلع و انت امشي شغلك
محجوب : لا ما بخليكم براكم
ماريا : ما تخاف انا معاها و سعاد برضو
محجوب : خلي القروش دي معاك و لو احتجتو لاي حاجة وريني
ماريا : كويس
محجوب يمشي شغلو و يكلم عاصم انو يرجعهم البيت
ماريا تمشي لي بتها الغرفة
ماريا : قومي يا سارة نوديك لشيخ عشان يطلعو منك الجن دا
سارة : انا خايفة يا امي
ماريا : ما تخافي انا معاك
منال : انا حامشي معاكم يا خالتو
ماريا : ما تتعبي روحك يا روحك يا بتي ، انتي امشي جامعتك و ودي الاورنيك دا ليهم عشان الحضور و اعمال السنة
منال : طيب كويس ، بتصل عليك بعدين بعد ترجعو
ماريا : تسلمي يا بتي ، ادعي ليها بس
منال : اكييد حادعي ليها يا خالتو
ماريا تسوق سارة و عاصم يوصلهم بيت ناس سعاد و ماريا تشكرو
عاصم : لو احتجتو لاي حاجة وروني و بعدين بمر عليكم في البيت و من هناك يمشي شغلو
ماريا تاجر امجاد عشان يمشو للشيخ القالتو سعاد و يصلو البيت
ماريا و سعاد و سارة يدخلو البيت بتاع الشيخ و لمن يدخلو بلقو حريم كتار موجودات و فيهو غرفة منفصلة دي غرفة الشيخ لكن في الحقيقة دا دجال ما شيخ
و يمشو يسجلو و بعداك يقعدو عشان ينتظرو دورهم وماريا تسمع الحريم بتتونسو و تلقى الجاية تعمل سحر و منهم الجاية دايرة عريس و منهم الدايرة اطفال و منهم الدايرة عمل لي ضرتها او حماتا
ماريا : دا شنو يا سعاد ،، الحريم ديل خوفوني
سعاد : ما تخافي دا شيخ سرو باتع و بعرف لاي حاجة
ماريا : خايفة يكون دجال ساي
سعاد : اوعي تقولي كدة دا زول مبروووك و بركة يقوم يسخطك هسي
ماريا : يسخطني شنو ، الله يستر لكن والله قلبي ما مرتاح للمكان دا لكن عشان بتي مضطرة
يجي دور سارة و ماريا و سعاد يدخلو معاها
و لمن يدخلو الغرفة بلقو فيها جماجم حيوانات و غراب محنط و الحيطة مليانة دم و ريحة الغرفة عفنة و كريهة جدا
و لقو قدام الدجال مبخر ونار و كمية من الورق و اجزاء من المصحف وسخانة و مرمية باهمال و كمية من السبح
الدجال : حي حي و ينادي باسماء غريبة و بيقول في كلام ما مفهوم و يقول : اتفضلي يا سارة بت ماريا و اتفضلي يا ماريا بت فاطمة و سعاد بت السر
ماريا : عرفت اسامينا كيف 😳😳
الدجال : انا بعرف اي حاجة و عارف انتو جاين لشنو ، بنتك ملبوسة بجن بعشقها بجنون
ماريا : تبكي ايوا يا شيخنا و بتي حالتها كعبة ارجوووك عالجها
الدجال : ما تخافي حتتعالج اكييد كلو بفضل الله
الدجال يقول كلام ما مفهوم و بقرا ايات من القران بالمعكوس و قدامو كمان في ايات مكتوبة بالدم و عامل حجابات كتيييرة بارقام و طلاسم غريبة
الدجال : لازم ترمي البياض اول
ماريا : عايز كم
الدجال : بصووت مخيف دهب و كلو ليهم برووووح و بمشي للجن عشان يوافق يطلع منها
ماريا : طيب هاك خاتمي دا و ادتو ليهو
الدجال : كمان لازم تضبحي خروف اسوود كبير بي قرن واحد
ماريا : خرووف شنو كمان
الدجال : لو عايزة بتك تتعالج لازم تعملي كل البطلبو منك من غير تجادليني
ماريا تعاين لسعاد و تعاين لسارة المتكلة في كتفها تعبانة و ما قادرة تتكلم
سعاد : وافقي يا ماريا عشان بتك
ماريا : انتي متاكدة دا شيخ
سعاد : اي شيخ و عالج كم واحدة بعرفها
ماريا : كويس لكن انا القى الخرووف وين و تسال الدجال
الدجال : جيبي قروش الخروف و نحن عندنا هنا
ماريا تقوم تدي الشيخ القروش المعاها كلها
و يجيبو الخروف و يضبحو جنبها و الدجال يقول ليها
خلي بتك تتمسح بالدم دا
ماريا تتخلع و تقول : تتمسح بالدم لشنو
الدجال : مش قلت ليك ما تقاطعيني
ماريا : خلاص حااااضر
و تصحي سارة لانو كانت دايخة و تكلمها انو تتمسح بالدم
سارة : بصوت تعبان دا شنو يا امي ما بتمسح بالدم و تبكي
ماريا : يا بتي عشان تتعالجي و الجن دا يسيبك
سارة : لكن اتمسح بالدم !!
سارة تعاين و تلقى خالد واقف بعييد و بضحك باعلى صوووت و يقول بصووت مخيف انتي لي و ما بخلييييك و سارة تبدا في الصراخ
ماريا : لازم تتمسحي بالدم
سارة تعاين للدم و تعاين لخالد البضحك و ......
يتبع
[١٥/٨ ٢٠:٤٠] توتة: الجن العاشق الحلقة 12 :-
بقلم تهاني محي الدين
سارة تعاين للدم و تعاين لخالد البضحك و تقرر انو تمسح الدم عشان خالد يزيح منها
ماريا تكون عايزة تمسح ليها الدم لكن الدجال يوقفها
الدجال : لازم امسحو ليها انا بنفسي
ماريا : لكن يا شيخنا 😔
الدجال : انتي شكلك ما عايزة بتك تتعالج ، قومي سوقي بتك و امشي
ماريا : خلاص خلاص سكتا ، اتفضل 😔
الدجال يمسح لسارة الدم و يتحسس جسمها بشهوة و يقعد الدجال يقرا ليها كلام ما مفهوم
سارة في عالم تاني و ما حاسة بالدنيا و لا البعملو فيها الدجال و بعد خلص قال ليها تقعد لمدة نص ساعة و هي متمسحة بالدم و بعداك تغسلو و بعد تغسلو تجيهو عشان يديها حجاب و الجلسة الجاية بعد يومين لكن تجييب معاها مليون جنييه
ماريا : مليون جنيه تاني
الدجال : انا قلت ليك ما تجادليني
ماريا تفكر : الا امشي ابيع الغوشيات حقاتي
بعد نص ساعة يغسلو ليها الدم
و يجو للدجال و اثناء هم قاعدين معاهو يأذن تطبيق اذان الضهر في تلفون ماريا و الدجال يتخلع و يتتكبب و الحاجات في الغرفة بتتطاير و ماريا و سارة و سعاد خافو جدا و طوالي طلعو و ركبو اول امجاد تلاقيهم
ماريا : دا شنو يا سعاد ، الراجل دا ما شيخ لانو خاف من الاذان و الحاجات الطارت دي شنو
سعاد : والله انا ذاتي خفت
ماريا : لا حول و لا قوة الا بالله ، يا رب اغفر لي و ما تحاسب بتي بغلطتي دي و اشفي بنتي ، دا شكلو دجال بتعامل مع الجن و كمان يا دوب لاحظت انو ما قرا قران نهائي على بتي ، استغفر الله العظيم
سعاد : انا اسفة يا ماريا لكن ما كنت قايلاهو كدة
ماريا : ما حنجي ليهو تاني ، بعدين بكلم محجوب انو بشوف شيخ رقية شرعية
سعاد : اي كلميهو
وصلو البيت و سارة بقت كئيبة جدا و جمالها بقى ينطفي و يزبل و لسه شايفة خالد يضحك و ماريا تمشي تعمل ليها اكل
خالد يجي لسارة
خالد : بصوت مخييف : انا ما بخلييك انتي لي و لو ما بقيتي لي بقتلك و ما حاطلع منك ابدا
سارة : زح مني قلت ليك و بقت تصرخ
ماريا جات مخلوعة و بقت تهدي في سارة و تقرا ليها و سارة تتضايق اكتر و تقوم تسوقها المطبخ معاها و تعمل ليها الاكل
ماريا : تعالي اكلي يا سارة
سارة : ما قادرة والله ، ما عندي نفس
ماريا : حتبقي كويسة كيف لو ما اكلتي
سارة : ما قادرة
ماريا : حاولي عشان خاطري
سارة تحاول تاكل لكن تستفرغ كل الاكل
ماريا تبكي لحالة بنتها و تقول لي سارة : طيب حاولي نومي
ماريا ترقدها في السرير و تغطيها و سارة تنوم و ماريا ترجع المطبخ و هي بتبكي
سارة و هي نائمة يظهر ليها خالد في الحلم لكن المرة دي كأنو عايز بغتصبها و طوالي صحت قبل يغتصبها و تكورك و بقت ما قادرة تغمض عيونها و خايفة و ماريا جات جارية
سارة : ما تخليني يا امي انا خائفة
ماريا : انا جنبك يا سارة ما بخليك
سارة تحضن ماريا قوووي
محجوب وصل البيت و جاءهم في الغرفة
محجوب : هسي بقت كيف و الحصل شنو
ماريا توريهو الحصل كلو
محجوب : انتي مرة ما نصيحة ، كيف تمشي لدجال ، استغفر الله العظيم
ماريا : والله ما كنت عارفاهو دجال
محجوب : لا حول و لا قوة الا بالله ، لبسي البنت نوديها لشيخ رقية شرعية
ماريا تلبس سارة عباية و محجوب يسوقها لمركز تداوي بالقران
و يدخلوها للمركز و المركز نضيف جدا و ريحة المسك منتشرة فيهو لكن سارة تنقبض اكتر و تتضايق اكتر
محجوب و الدموع في عينو : يا شيخنا بنتي حالتها متاخرة جدا ،، ارجووك حاول تساعدها
الشيخ : ان شاء الله ، كلو بتعالج بفضل اللهم ،، تعالو معاي جوا انتو الاتنين و معاكم و طول ما نرقي انت حاولي استري جسمها و ما تخليها مكشوفة
ماريا تعرف الفرق بين الدجال و الشيخ التقي و تستغفر على العملتو و الدموع في عيونها
و ن تقعد سارة و الشيخ جاء معاهو المساعد تبعو و بدا الشيخ يقرا لسارة الرقية الشرعية و الايات
سارة بقت تتكلم لكن بصووت مخيييف و هو صوت الجني خالد
سارة : انا ما بطلع ، اسكت قلت ليك ، دي ملكي و ما بخليها
الشيخ يواصل في القراية
سارة : لو ما سكتت ممكن اشوهها و اطلع بي عينها او اقتلها
الشيخ يقول : لعنك الله و يواصل في القراية بصوووت عالي
فجاءة سارة تخنق الشيخ .....
يتبع
[١٥/٨ ٢٠:٤٦] توتة: الجن العاشق الحلقة 13 و الاخيرة :-
بقلم :- تهاني محي الدين
فجاءة سارة تخنق الشيخ و المساعد بتاعو يواصل في القراية و حبة حبة قوة سارة تضعف و تفك رقبة الشيخ و تنوم
محجوب : انت كويس يا شيخنا
الشيخ : الحمد لله كويس
محجوب : الحصل شنو ، مالها بتي بتعمل كدة
الشيخ : دي ما بتك ،، دا الجن هو البعمل كدة
محجوب : حيحصل شنو هسي
الشيخ : ما تخاف مع الجلسات حتتحسن اكتر و حيطلع منها باذن الله
منال جات لسارة و بقت تطمنها انو ما تخاف و اي حاجة بتتصلح ان شاء الله ووعدها تزورها طوالي
منال اخدت درس و اتعظت من الحصل لصحبتها و بقت تتحصن طوالي و تقرب لربنا اكتر
و تاني يوم محجوب يجيب سارة المركز بتاع الرقية الشرعية و الشيخ يقرا على سارة و سارة تكورك و شايفة خالد بضرب فيها
سارة : لا ما تضربني يا خالد
خالد :: انتي لي بس و انا ما بخليك لغيري حتى لو بالضرب ، انتي ملكي 👹
سارة : لاااااا ما تضربني لااااا
و الشيخ يواصل في القراية و كل مرة الضرب يزيد على سارة و تكورك اكتر و خالد يهدد انو حيشوه سارة و حيطلع بي عينها
اخوان سارة و اخواتها كانو معاها طوالي و بدعو ليها كتييير
استمر الشيخ يقرا على سارة لاسابيع و الجني كل مرة يضعف و شوية شوية بقت سارة تتذكر القران الكريم لحدي ما اختفى خالد و ساب جسم سارة و بقى ما بظهر لسارة ، لكن للاسف انتقام خالد كان كبييير و طلع من سارة عن طريق عينها الشمال و فقدت عينها و بقت تشوف باليمين فقط
ماريا اتاثرت جدا و الاسرة و صحبتها بفقد عين سارة لكن كمان فرحو انو بتهم طلعت من الكابوس الهي فيهو و فرحتهم كانت اكبر من حزنهم لفقدان عينها لان اي حاجة تحصل ليها كانت ارحم من العذاب الهي فيهو
سارة كانت وردة ، بعد الحادثة دي بقت كئيبة و خايفة و الحادثة دي اثرت فيها و ما قادرة تنساها و كل ما تشوف عينها المافي تبكي و تتذكر غرورها الزمان بجمالها و عرفت انو الجمال زائل و ندمت انو ما كانت انسانة صالحة و بقت تخاف من اي حاجة و حبة حبة بقراءة القران و التحصين و الرقية الشرعية بقت تتحسن يوم عن يوم و الخوف يبعد عنها و ترجع طبيعية
و عاصم حكا لي جمال الحصل لسارة
جمال : لا حول و لا قوة الا بالله ، يادوب فهمت انو شفتها قبيحة لشنو ، بسبب الجن العاشق يعني
عاصم : اي دا السبب و هسي الحمد لله سابها و اتحسنت لكن للاسف عينها الشمال اتقلعت
جمال : لا حول و لا قوة الا بالله ، هي هسي كيف
عاصم : والله اتغيرت جدا و بقت انسانة ملتزمة ، حتى كمان بتدي دروس في الجامع للحريم
جمال : انا ما حاخليها و حاتزوجها و هي اكييد بتكون فهمت موقفي المرة الفاتت
عاصم : انت جادي يا جمال ، لكن انت بتهتم بالشكل اكتر ، الغير موقفك شنو
جمال : اتاكدت انو دوام الحال من المحال و بالجد الحصل لسارة دا اثر فيني جدا و عايز اساعدها و اطلعها من الهي فيهو و انا بقيت ما عايز غير زوجة صالحة و هي بكلامك دا نعم الزوجة الصالحة و ان شاء الله اقدر اسعدها و انسيها القصة دي
عاصم : شهم والله و ابن اصول ، قليل البفكر زيك
جمال : نهاية الشهر ان شاء الله نمشي نتقدم ليها
عاصم : معاك طوالي
بعد سارة اتحسنت شوية ، جمال جاءها راجع و طلب يدها من جديد و سارة اتاثرت جدا لانو كانت قايلة مافي زول حيتقدم ليها تاني بسبب عينها و كانت طلعت فكرة الزواج من راسها و قالت ليهو
يتبع باقي 13
[١٥/٨ ٢٠:٤٦] توتة: باقي الحلقة 13
سارة : انت متاكد من قرارك دا
جمال : ايوا انا عايزك و ما عايز غيرك
سارة : تبكي و تقول شايف عيني !!
جمال : اي شايفها و شايفك ام اولادي ان شاء الله
سارة : تبكي و تقول انا موافقة
سارة اتغيرت جدا بقت مواظبة على صلواتها و على الاذكار و التحصين صباح و مساء و اتزوجت جمال و كانت ليهو نعم الزوجة الصالحة و هو كمان بقى ليها نعم الزوج و عاشو في سعادة و حياة ملئية بطاعة الله و ربنا رزقهم بالذرية الصالحة
في قصتنا دي
القصة من وحي الخيال و فيها جزء مقتبس من استشارة مرت علي و
الجن موجود و عادي جدا ممكن يتلبس في الانسان اذا عجبو و هو بجي للناس الغالبا بتعاين في المرايا كتير و بتكون شبه عاريه و خاصة بالليل و للناس البتدخل دورات المياة بدون تعوذ و للناس البعيدة عن ربنا سواء بترك الصلاة و عدم التحصين
و الجن العاشق بجي للنساء و للرجال ايضا و من اعراضه انو امور الزواج ما بتم اما الزواج يفركش بدون سبب او الممسوس بشوف الطرف التاني مشوه او في صورة كلب او غيرو او العكس انو الطرف التاني يشوف الممسوس قبيح جدا و حتى كمان ممكن يعشق زول متزوج و بحاول ينفرو من زوجتو او زوجها و يكرهو بدون اسباب للطرف الاخر و كمان كثرة الاحتلام عند الرجل و المراة لكنه لا يستطيع فض غشاءة البكارة للمراةالعذراء إذا رأته الفتاة وحدها، بحيث لا يراه المحيطين بها، فلا يمكن للجن فض بكارتها، لأنه لم يخرج بعد عن ناموس الجن إلى عالم الإنس، فرؤيتها له هي مجرد خيالات حقيقية و ليست وهما ، وإن أمكن تلذذ الفتاة بمعاشرته، أو الرجل بمعاشرتها إن كانت جنية، والشعور بجميع مراحل المعاشرة، بحيث تقذف المرأة منيها، أو يقذف الرجل منيه، فهذا كله لا يربو عن كونه حلم من الشيطان وتخييل، ولا يفضي إلى فض بكارة الفتاة.
اما اذا ظهر للعيان في الحالة بتكون عندو صفات الانس و ممكن يفض للبنت غشاءة البكارة لكنه بكون ضعيف جدا لذلك هو ما بظهر للعيان لانو قوته بتضعف وعشان كدة هو ما بخاطر بالتصرف دا و اذا ظهر للعيان لازم يتاكد اولا انو الزول العايزو مستحيل يتصلح حالو او يتوب
للتحصين منو يجب علينا استعمال السنة في حياتنا اليومية و قراءة سورة البقرة دايما او سماعها و قبل النوع قراءة اية الكرسي لان البقراها قبل النوم لا يمسه شيطان حتى يصبح و التحصين صباح ومساء لان التحصين درع واقي للمسلم من كل شر سواء كان جن او سحر او عين و البقول بسم الله الذي لا يضر مع اسمه شئ في الارض و لا في السماء و هو السميع العليم تلاتة مرات صباح و مساء لم يضره شئ و كمان ما تنسو التعوذ اثناء دخول الحمامات
كمان بنبه انو في فرق بين شيخ الرقية الشرعية و الدجال و لازم تكونو واعيين و تعرفو تفرقو بينهم و ما تجرو ورا الدجالين لان الرسول صلى الله عليه قال في حديث انو من اتى كاهنا او عرافا فصدقه بما يقول فانه كفر بما انزل على محمد
و البجي للكاهن او العراف و لم يصدقه لا تقبل صلاته اربعين يوما و الدجل يشمل ذلك كله
و ربنا يحفظنا جميعا و بتمنى تكون استفدو من القصة و اخدتو العظة منها
و بشكركم جدا للمتابعة
اختكم
تهاني محي الدين
❤❤