2013 оны өвлийн өвгөний үг

(Нэгэн амьсгаагаар уран тод хэлнэ)
Цал буурал өвгөн аав нь
Цас мөний их орноос
Цан хүүрэн татуулан
Үүлтэй тэнгэрээс доогуур
Үзүүртэй модноос дээгүүр
Цалин цагаан морио унаад
Цасан охиноо дагуулан бүжсээр
Цадиг түүхийн алтан өлгий болсон
Амжилт бүтээлийн эзэд
Алдар гавьяаны ирээдүй
Хүүхэд багачууд та нартайгаа Өвлийн өвгөн аав нь уулзахад баяртай байна.
(Нэг том амьсгаа авна)
Амжилт бүтээлийн гэрэл цацарсан
Аз жаргалын мөнгөн жимээр
Урам зориг хүсэл тэмүүллээр дүүрэн
Угтах он айлчлан ирж
Одот тэнгэрийн зурваст 2013 он түглээ
Энд цугласан эрч хүчтэй, цог жавхлант охид, хөвгүүд та нартаа Шинэ оны мэнд хүргэе.

За ингээд багацуулдаа өвгөн аав нь бэлгээ тараая.
(Бэлгээ тараана)

(Бэлэг тарааж дуусаад хэлэх үг)
Өвлийн өвгөн аав нь айлчлах газар олон, баярлуулах хүүхдүүд их тул цаашаа ингээд мордъё
Угтан авч буй шинэ онд нь
Урам зориг, амжилт бүтээл, аз жаргалын дээдийг бэлэгдээд
Буцаад ирэхэд булаг шиг арвин,
Дайраад ирэхэд далай шиг баян байгаарай хүүхдүүд минь
Сайхан баярлаарай