كثر المواصل في الهوى ماهو بزين
ودك بخلّك بين مده ومده
لان الـ (ابن) ادم ما ترك طبعه الشين
لي حب له شي وشبع منه هده
لكن لامنه جاك من حين لي حين
قدّرت جياته وقدّرت صده
ان قلت أبيك وقال ماهو بـذا الحين
لا تبلشه يمكن ظروفه تحده
اصبر عليه ايام وشهور وسنين
ان كانه يودك وان كانك توده
وخلّك لامنه أعطاك ما تطلبه دين
ما جاك منه أخذه وما رَدّ رده
ولا تسوي مثل ناس مساكين
أصلك وفصلك بالهوى لا تعده
الحب ما يعرف قبيلة ولا دين
نكّس حكومات وكسّر اشده
جاووه عقّال وراحوا مجانين
وكم واحد(ن) خاله ولاهو بجَدّه
يقولها اللي جاحد(ن) علته لين
سمّ الهوى حاله وبيّح بـ سدّه
هذا كلامي و انت بتشوف بعدين
والله ان تميز بين مزحه وجِده