خبر عاجل يالحبيب

خــبر عاجــل راح أگـلّك يالحبــيب
صــادقتلـي مخــترع يــابــانـــــــي
احجيتله اعلة احوالنة وكل الظروف
وگـال قـصتــك مالهـة إلا آنـــــــــي .
احجيتله آثار البعد وشلون أجيــك
وگــتله حيــل امــن البعد دنعــاني
وگال محلولة القضية وسهلة هاي
بــس طـــلب عــنوانك وعنـــوانــي .
وگـــال لا تهــتم أبــد باجــر أجـــيك
وبــيدي حــل لقــصّــتك تــلــگانــي
واعــــداني يخــترع أفـــضل جــــهاز
يشتغـــل عـــالمستوى الروحـــاني
يعني روحك من تحن لأحضاني يوم
اتــدوس دگمة تصير بين أحضـاني