Fiktiv Georgia - Mze TV

მზე TV — ქართული სატელევიზიო არხი, რომელიც 2003 წელს ქართველმა მილიონერმა და 1999 -2007 წლებში საქართველოს პარლამენტის წევრმა ვანო ჩხარტიშვილმა დააარსა. ედუარდ შევარდნაძის პრეზიდენტობის პერიოდში 2001 -2003 წლებში ჩხარტიშვილს ეკონომიკის მინისტრის თანამდებობა ეკავა. 2004 წლისთვის "მზე" უკვე იყო საქართველოში ერთ-ერთი წამყვანი ტელევიზია, მრავალფეროვანი მაუწყებლობით და პოპულარული პოლიტიკური თოქშოუებით.

მაუწყებლობს მთელი საქართველოს მასშტაბით, როგორც ღია ეთერით, ისე თანამგზავრით, საკაბელო ოპერატორებისა და IP ტელევიზიების საშუალებით.

მზერა
ორშაბათი - პარასკევი: 08:00, 09:00, 10:00, 11:00, 13:00, 16:00, 18:00, 20:00, 23:00
შაბათი - კვირა: 11:00, 13:00, 16:00, 20:00
ჩვენ ვპასუხობთ კითხვას - არა მარტო რა მოხდა, არამედ რატომ და რისთვის? დღის ყველაზე აქტუალური და ცხელი ამბები, ახალი დეტალები და აქამდე უცნობი ფაქტები. ყოველდღე "მზერაში", თქვენ გაეცნობით საქართველოში მიმდინარე საინტერესო და აქტუალურ მოვლენებს. ასევე მსოფლიოში ყველაზე მნიშვნელოვან ამბებს, რომლებიც საქართველოს ეხება. "მზერა" აკმაყოფილებს ყველა თაობისა და ასაკის მაყურებლის ინტერესს, რადგანაც მოიცავს ჩვენი ცხოვრების ყველა სფეროს. ის დინამიკურია და თანამედროვე.