Atia Antoniam exspectat. Tum amicam videt et gaudet. Atia et
Antonia amicae forum petunt; templa et aedificia spectant. Tum
basilicam Iuliam intrant et ad mercatores accedunt. Per basilicam
properant et ad Rutilium mercatorem contendunt. Nam Rutilius
bestias vendit.
Rutilius ante tabernam stat, amicas videt et clamat: „Hodie simiae1
et psittaci2 adsunt!“ Statim amicae in tabernam contendunt, simias
spectant. Simiae amicas delectant.
Etiam mulieres tabernam intrant. Subito psittaci clamant: „Psittaci
adsunt! Psittaci adsunt!“
Mulieres autem clamorem tollunt: „Quid? Quid est? Quis clamat?“
Rutilius ad mulieres accedit et psittacos monstrat3. Nunc etiam
amicae psittacos vident. Itaque simias relinquunt et ad psittacos
accedunt. Subito simiae clamant.
Tum Rutilius: „Quid est? Cur simiae clamorem tollunt?“
Rutilius autem Atiam et Antoniam apud simias non iam videt:
„Ubi sunt amicae? Cur simiae …?“
Subito psittaci: „Simiae! Simiae!“
Amicae et mulieres et Rutilius rident.

1 simia Affe - 2 psittacus Papagei - 3 monstrare zeigen