s

بكل موضوعية الكلام ده غلط، بس غلط بمعنى إنه مُبالغ فيه و دي حاجة متوقعة جدًا من المصريين\العرب.
مفيش حاجة اسمها سر الذرة. و لو كان في حاجة اسمها "سر الذرة" فغالبًأ كان معروف جدًا و مش سر ولا حاجة و مش سبعة بس اللي عارفينه.
هو ما وضعش النظرية النسبية مع آينشتاين ولا حاجة بس ولا أثبتها رياضيًا لإن مشرفة كان عنده 17 سنة أصلًا في 1915، بس كان على تواصل مع آينشتاين بالكتابة من بعد 1920 خلال فترة دراسته لميكانيكا الكم و النسبية و بحثه فيهم و له 25 بحث علمي منشور، أغلبهم في ميكانيكا الكم و النسبية.
و لأ، آينشتاين مقالش عليه كده، بس ده ما يمنعش إن آينشتاين فعلًا عزا المجتمع العلمي على موته لما قال إنها خسارة شديدة و إنه كان عبقري و إنه كان بيتابع أبحاثه في الطاقة الذرية.
بلاش مبالغة، المبالغة وحشة في حق الناس دي، مقامهم الحقيقي مش قليل عشان نبالغ و نكدب.
و تعليق جانبي: مفيش دليل على إنه أُغتيل، و لكن هو مات في بيئة مشبوهة فعلًا، بس عشان مش بحب أجزم بحاجة لحد دلوقتي محدش يعرف حقيقتها.