Gar ham kabhi ruuth gaye
Aur tum hamain manana chaho

Phir jahan se hamari awaaz aye,
Hamari khushbuu, hamari pukaar aye

us simt bina ruke tum chal parDna
Jangaloun main, kharaboun main
Sehroun main tum bhaTakna

KaDi dhuup main jab tum
chal chal ke thak jao ge
Jab zamane se ruswa ho ke
Thokar dar dar ki tum khao ge

To koi bhi aasra kahein dhundh lena
Ya kisi pairD ke neeche baith jana
Ham uski thandi chaun main hon ge
Ham sabke dilaase main hon ge

Hamain dhundh lena
Ham yahein kahein hon ge
Ham har jaga hon ge
Ham tumhare dil main hon ge