Advertisement
Guest User

Untitled

a guest
Jun 26th, 2017
65
0
Never
Not a member of Pastebin yet? Sign Up, it unlocks many cool features!
text 14.58 KB | None | 0 0
  1. تحياتي للجميع
  2.  
  3.  
  4.  
  5. في ظل بلد يرتع فيه الفاسدين وفي ظل دولة يسود فيها قانون الغاب كان لابد ان يحدث هذا سواء لي او لغيري واذا فقد قررت ان احكي قصة ما حدث لي في شركة اوشن والتي انتهت بالأستغناء عن خدماتي عسي ان يستفيد منها البعض او لعلي احصل علي ارائكم في كيفية التعامل لو تعرضت مثلي لمثل هذا الموقف
  6.  
  7.  
  8.  
  9. الشخصيات
  10.  
  11.  
  12. *********
  13.  
  14.  
  15. مي مصطفي ......(التيم ليدر بتاعتي واللقب الجديد بتاعها الأوبريشن مانجر وهيه خريجة الدفعة 28
  16.  
  17.  
  18. رانيا رضا (البروجكت مانجر الجديدة
  19.  
  20.  
  21. مني ......الأتش ار وسكرتيرة المديرة
  22.  
  23.  
  24.  
  25. بدات الأحداث يوم الخميس 28 أكتوبر ,المرتبات نزلت ورحت عشان اقبض المرتب بتاعي لأفاجأ بأن المرتب اللي نازلي تقريبا نص المرتب اللي كنت مفروض اقبضه ,طبعا سألت المحاسب عن الموضوع قالي هوه ده المرتب بتاعك وممكن يكون عشان اول 3 شهور تدريب فانت مش بتقبض المرتب كامل
  26.  
  27.  
  28.  
  29. قلتله والله انا محدش قالي الكلام ده وانا اتفقت علي مرتب معين وده مش مرتبي فعموما خلي المرتب معاك لأني مش حقبضه كده ,قالي طب ماتقبض دول وبعدين تبقي تشوف باقي المرتب ,قلتله انا لو قبضت المبلغ ده يبقي انا رضيت بالمرتب وده غلط فانا مش حينفع اقبض المرتب ,راح قايلي بس انا معرفكش بس انا بنصحك اقبض المرتب ده عشان ساعات فيه ناس عندنا بتلاقي خصومات في مرتبها ومش بترضي تقبضه وبتدخل للمدير تكلمه فبيقولهم والله ده اللي عندي وعاجبكم عاجبكم ولو مش عاجبكم مع السلامةوقالي لو المرتب نازلك كده فاكيد المديرة هيه اللي منزلاه كده فروح كلمها
  30.  
  31.  
  32.  
  33. المهم صممت ومقبضتش المرتب وقلت اكلم المديرة ,المهم لما فكرت شوية قلت يا واد بلاش تكلم المديرة علطول وكلم التيم ليدر بتاعتك عشان برده متقولش انك عديتها (هيه للأسف من الشخصيات اللي بتحب تاخد وضعها ) بس اليوم ده هيه مكانتش موجودة فقلت خلاص حستني لغاية يوم الأحد بس برده اعمل حركة جس نبض كده
  34.  
  35.  
  36.  
  37. رحت مكلم مني سكرتيرة المديرة وقلتيلها لما تدخلي جوه تبقي ارميلها كلمة كده ان هيثم وبيبرس بيتكلموا علي المرتب بتاعهم وشوفي حتقول ايه ,المهم فعلا عملت كده ورجعت قالتلي هيه بتقول لو عندكم اي مشاكل روحوا اتكلموا مع البروجكت مانجر
  38.  
  39.  
  40.  
  41. المهم قلت خلاص استني لغاية يوم الأحد وكلم مي في الموضوع وخاصة لأنها هي اللي كلمتني وقالتلي الأوفر اللي حنزل عليه
  42.  
  43.  
  44.  
  45. يوم السبت انا رحت الشركة ونزلت اشتغل عشان يوم الأربعاء اللي قبله كنت في القاهرة بستلم ورقي من لينك ,المهم يوم الأحد رحت الشركة ودخلت اكلم مي وكانت المفاجأة .....
  46.  
  47.  
  48.  
  49. دخلتلها المكتب وبعد السلام فرحت قايلها انا رحت يوم الخميس اقبض المرتب بتاعي فلقيت المرتب اللي نازلي نص المرتب ؟؟
  50.  
  51.  
  52.  
  53. راحت ردت عليا بكل برود.....طب وايه المشكلة ؟
  54.  
  55.  
  56.  
  57. قلتلها ان مش ده المرتب اللي اتفقنا عليه فبالتالي انا مقبضتوش
  58.  
  59.  
  60.  
  61. راحت برده بكل برود اعضاب قايله ....طب ما تروح تقبضه
  62.  
  63.  
  64.  
  65. رحت قايلها بس ده مش المرتب بتاعي
  66.  
  67.  
  68.  
  69. راحت قايلالي : انتو في فترة تريننج والفترة ديه انتو مش بتقبضوا المرتب كله
  70.  
  71.  
  72.  
  73. ردت وقلتلها : اولا محدش بلغني اني في فترة تريننج ,وثانيا انا مش معترض علي المبدأ لكن انا لما عطتوني الأوفر محدش بلغني علي الموضوع ده ,انتو كنتموا ممكن تقولولي والله انت اول 3 شهور مش حتقبض فلوس خالص وحكون مبسوط وراضي بس بما ان محدش بلغني فبالتالي انا مش مسئول عن الوضع ده
  74.  
  75.  
  76.  
  77. ***********
  78.  
  79.  
  80. شوفوا بقه التناقض والكلام الجديد اللي جاي
  81.  
  82.  
  83. ************
  84.  
  85.  
  86. راحت قايلي : والله المرتب ده علي اساس التقييم بتاعكم والأدارة شايفة ان البوزيشن ده ميستحقش اكثر من المرتب واحنا لسه ما اخدناش منكم اوت بوت فممكن قدام لو اثبتوا كفاءة نبقي نتكلم في زيادة المرتبوالصراحة انتو البرفورمانس بتاعكم وحش
  87.  
  88.  
  89.  
  90. طبعا مسكت اعضابي بالعافية وقلتلها اولا : الحمد لله انا شايف شغلي كويس وبعمل اللي بيتطلب مني وزيادة وبساعات كثيرة بقعد في الشركة بعد الوقت واشتغل وكون حضرتك مش شايفة كده فانا مش عارف اقولك ايه
  91.  
  92.  
  93.  
  94. ثانيا: ده موضوع وده موضوع تاني خالص ,انتي كلمتيني في التليفون وقولتيلي الأوفر بتاعك كذا كذا وانا جيت وسبت شركتي في القاهرة واشتغلت معاكم وفي أخر الشهر لقيت حاجة ثانية غير اللي اتفقنا عليها فانتو كده ضحكتوا عليا
  95.  
  96.  
  97.  
  98. قالتلي: انا مش بنكر اني قولتلك علي الأوفر في التليفون بس الأدارة لسه من كام يوم مقررة الكلام ده وان مرتباتكم تكون كده ومينفعش تقول اننا ضحكنا عليك ,عيب اوي كدهوعموما انا مش حقدر اعملكم حاجة بس ححاول اكلم رانيا واسألها
  99.  
  100.  
  101.  
  102. **************
  103.  
  104.  
  105. طبعا انا طول الحوار ده ماسك اعصابي بالعافية وبتكلم بهدوء جدا ,انا عارف انكم حتقولوا اني اكيد اتعصبت بس كل القصة ديه كانت قدام شهود فبالتالي انا اتأكدت اني بتكلم بكل هدوء
  106.  
  107.  
  108. ****************
  109.  
  110.  
  111.  
  112. المهم طبعا رجعت علي مكتبي اشتغل وانا بغلي من جوه ,انا دلوقتي اتضحك عليا ومش بس كده لا ده انا كمان لبست في حيطة لأني سيبت لينك في القاهرة علي اساس ان القاهرة مصاريفها كثيرة والسكن والأكل ومصاريف الفر كانت كثيرة جدا فجيت اسكندرية قلت والله بعد ما اخصم كل الكلام ده اهه حيبقي الفرق مش بعيد قوي واسمي قاعد في اسكندرية لكن دلوقتي انا ولا طولت المرتب ولا ينفع ارجع تاني القاهرة ومن الأخر بيقولولي ده اللي عندنا اخبط راسك في الحيط
  113.  
  114.  
  115.  
  116. بيبرس كان قاعد جنبي فقالي انت دلوقتي معندكش حل ,حاجة من الأثنين يا تمشي يا تقعد ,رحت قايله انا مينفعش امشي وللأسف حضطر اقعد لأني لو رجعت قعدت في البيت فانت عارف وجع الدماغ اللي حيحصل فحدور علي حاجة ثانية وانا قاعد هنا واول مايجيلي اوفر تاني حبيعهم لأنهم مكانوش صادقين معايا
  117.  
  118.  
  119.  
  120. المهم شوية كده ودخلت مي مع رانيا وهالة المديرة في اجتماع ولما طلعوا حسيت ان مي كأنها بتتجاهلني وبتوجه الكلام لبيبرس بس فساعتها حسين انهم حيمشوني وقلت الكلام ده لبيبرس ,قالي لا مستحيل يعملوا كده ,شوية وراحت مني السكرتيرة تتصل بواحد يجي يعمل انترفيو فبيبرس قالي ماتسأل مني علي الواد ده جي يعمل انترفيو علي ايه
  121.  
  122.  
  123.  
  124. قلتله من غير ما اسأل ,ده حيعمل انترفيو بدالي وصدقني هما حيمشوني وحتشوف
  125.  
  126.  
  127.  
  128. المهم الساعة خمسة بالظبط لقيت رانيا بتبعتلي عايزاني في مكتبها ,دخلت المكتب فقالتلي اقفل الباب فقفلته وقعدت
  129.  
  130.  
  131.  
  132. راحت قايلاي : والله يا هيثم انا مش عارفة اقولك كده ازاي بس للأسف الشديد انت مش حتكمل معانا وعموما انا بتمنالك التوفيق وربنا يكرمك بمكان تاني احسن من هنا
  133.  
  134.  
  135.  
  136. وطبعا لسه حتكمل رحت قاطعها وقلتلها انا عارف ومش لازم تكملي عشان انا حافظ كل الكلام ده فياريت نوفر وقت ,اول حاجة بالنسبة لمرتبي فانا لما جيت اشتغلت هنا انتو اتفقتوا معايا علي مرتب معين وفي اخر الشهر لقيت نص المرتب ,راحت رده بكل بجاحة قالتلي انا كنت شغالة في بنك وفي اول كام شهر كنت بقبض 30% من مرتبي فده طبيعي يعني ,
  137.  
  138.  
  139.  
  140. قلتلها : والله انا لما اتفقت محدش بلغني بالموضوع ده ,انا مش معترض بس لو حد بلغني كان اوك لكن انا مينفعش اتحمل غلطة حد
  141.  
  142.  
  143.  
  144. راحت قايله: هيه ديه كانت غلطة وكانوا مفروض يبلغوك بس اهه ده اللي حصلوبعدين يعني هوه لو كنا قلنالك في الأول كنت ممكن تغير رأيك ومتقبلش الأوفر
  145.  
  146.  
  147.  
  148. قلتلها اكيد طبعا
  149.  
  150.  
  151.  
  152. راحت ردت : لا هيه مش بتتحسب كده
  153.  
  154.  
  155.  
  156. رحت قايلها : والله انا كنت شغال في شركة مالتي ناشيونال وبقبض كذا ولما اتصلتوا بيا وجيت عملت انترفيو , قلت انا جاي اعمل انترفيو في شركة ((محترمة)) وواضح انكم عندكم بوتنشال وحتكبروا فقلت خلاص مفيش مشاكل سيب شركتك واكبر معاهم لكن بعد ما اتفقنا لقيت حاجة ثانية فاكيد انا كنت غلطان في وجهة نظري
  157.  
  158.  
  159.  
  160. قالتلي بس مي بتقول انكم مش عايزين تشتغلوا وبتيجوا متأخر وبتمشوا بدري (اي هبل وخلاص طبعا )
  161.  
  162.  
  163. فرحت رادد عليها وقلتلها والله لو مي شايفة كده فاكيد هيه غلطانة وممكن حضرتك تشوفي الأتدنس شيت بتاعي عشان تتأكدي لأني علطول باجي في ميعادي وفي اوقات كثيرة بمشي بعد ميعاد الشغل وبقعد اشتغل وحتي اليوم اللي سافرت فيه القاهرة عشان اخلص ورقي جيت بداله يوم السبت الشركة وقعدت اشتغل وبعت الشغل بتاعي الميل واكيد انتي شفتيه
  164.  
  165.  
  166.  
  167. الحاجة الثانية : ان لو افترضنا ان مي بتقول ان التيم بتاعها وحش فمينفعش تجري تقول علي اليتم بتاعها كده للبروجكت مانجر لأن ده عيب عليها هيه انها مش عارفة تشغل التيم اللي معاها لأنها مفروض تكسب التيم اللي معاها وبيكونوا بيثقوا فيها اكثر من اي حد وعموما نصيحة يعني ياريت تبقي تقعدي معاها تفهميها لأنها للأسف معندهاش الخبرة الكافية وديه نصيحة من واحد اشتغل اكثر من مي وكان مسئول عن ناس اكبر من ابوه وجده وغلط غلطات كثيرة لغاية لما اتعلم ازاي يقدر يكون في مكان مسئول فيه عن
  168.  
  169.  
  170. ناس
  171.  
  172.  
  173.  
  174. ثالث حاجة : انا الحمد لله كل اللي بيتطلب مني بعمله في الشغل وزيادة لأني في الأول وفي الأخر براعي ربنا في شغلي قبل اي حد لأني اكيد مش حقبل علي نفسي فلوس حرام واليوم اللي حصل فيه ان مني طلبت تاسك بتول معينة ,فانا قلتلها التول ديه مش حينفع نشتغل بيها بالشكل ده لأن ده مش استخدامها ده غير ان البرفورمانس بتاعها حيكون وحش لأنها مش مصممة علي كده والكلام ده انا جبته من علي النت ومن اكثر من مكان لكنها صممت وقالت لازم تشتغل بيها وبالرغم من اني متأكد ان الناتج في النهاية حيكون البرفورمانس بتاعه وحش وقلتلها بس هيه مش مقتنعة فعملت التاسك المطلوبة وخلصتها وزي ما توقعت طلع البرفورمانس بتاعها سيء فلما جت وقالتلي هيه ليه كده قلتلها ما انا قولتلك ان ده حيحصل ,قالتلي طب اتصرف فقلتلها هيه التول مينفعش تعمل غير كده فكون انها بقه شايفة اني كده مش بعمل الشغل فاكيد هيه عندها مشكلة ياريت تحلوهالها واعتقد انكم ما استخدمتوش التول الثانية من فراغ اللي برده انا اشتغلت بيها وعملت بيها الشغل
  175.  
  176.  
  177.  
  178. بالنسبة بقه للفلوس فعموما انتو لو عايزين الفلوس فخدوها بس عموما انا مش مسامح فيها واللي عند ربنا مش بيروح وانا لو مخدتهمش دلوقتي فاكيد حاخدهم قدام وعموما ربنا يوفقكم
  179.  
  180.  
  181.  
  182. ورحت قايم وماشي ورازع الباب ورايا
  183.  
  184.  
  185.  
  186. ده كل اللي حصل ......ياريت كل الناس اللي قرت الموضوع تقولي لو انت مكاني وحصلك الموقف ده حتعمل ايه وياتري ردك حيكون ايه ؟؟
  187.  
  188.  
  189. 
Advertisement
Add Comment
Please, Sign In to add comment
Advertisement