Septimius gaudet: „Ego felix sum, quia mihi Romam ostendis. Quam
pulchrum est hoc aedificium! Vir dives, ut puto, hoc pulchro aedificio
gaudet. Solum homines honesti et divites tanta aedificia habent.“
Marcellinus: „Thermae sunt. Huius aedificii auctor Caesar fuit. Is
architectum1 diligentem delegit, qui has thermas magno cum sumptu
aedificavit. Thermae cunctis civibus patent – et pauperibus et divitibus.
Multis Romanis mos vetus est ante cenam thermas adire. Veni mecum!
Intus tibi omnia ostendam.“
Marcellinus: „Ecce haec! Videsne felices, qui in alveis2 variis sine vestibus
se delectant? Nonnulli in tectis thermarum iacent: Ibi sole gaudent. Et
vide has tabernas: Hic mercatores multa vendunt. Caesar etiam viris
sapientibus donum dedit: Sapientibus licet in hac bibliotheca3 libros
veterum auctorum et poetarum adhuc vivorum legere.“ Septimius:
„Nunc scio te felicem esse. Nam sors hominum felicium est in urbe
tam pulchra habitare!“
1 architectus: vgl. Fw. - 2 alveus Wasserbecken - 3 bibliotheca: vgl. Fw.